Popular Bible Verses from LUKA 12

Share

Nanhte mung, kup kup chyip chyip rai a maja nga mu, hpa majaw nga yang, nanhte n dum n mi rai, n myit mada ai ahkying hta e, dai Masha Kasha du sa na ra ai, ngu nna tsun mu ai.”

Nanhte gaw shi a mungdan hpe mahtang tam nga mu, shaloi dai lam ni nanhte hpe jaw na marin dai.

Dai hpang shanhte yawng hpe mung, shi bai tsun mu ai gaw, “Nammak lawhpa lam amyu myu kaw na nanhte a hkum ni hpe makawp maga koi gam let yu sadi nga mu, hpa majaw nga yang, kadai wa gade sut su nga ti mung, shi a asak majing gaw sutgan law htam wa ai hta rawng nga ai n rai,” ngu mu ai.

Hpa majaw nga yang, nanhte a sutgan nga ai kaw, nanhte a myit masin mung nga na malit dai.

Nanhte hta na kadai wa mi myit tsang ai hte, tinang a asak aprat hpe shaning loi mi galu hkra jat la lu myit ni?

Dai hpang Yesu gaw sape ni hpe, “Dai re ai majaw, ngai nanhte hpe tsun made ga, hpa lu hpa sha na nga nna asak a matu, hpa bu hpa hpun na nga nna hkum hkrang a matu hkum tsang nga myit.

Nanhte a baw na kara singgawng ni mahkra hpe pyi hti da nu ai. Dai majaw Hkum hkrit myit, U tsa law law hta nanhte grau manu dan nga myit dai.

Sagu hpung kaji e, hkum hkrit et; hpa majaw nga yang, dai mungdan nanhte hpe jaw na, nanhte a Kawa myit ra sharawng nga ai.

U hka ni hpe yu nna myit yu mu; shanhte n gat n hkai, n dan n shu ma ai. Shanhte gaw sut rai bang da na gawk ni, mam dum ni n lu ma ai, rai ti mung, Karai Kasang gaw dai ni hpe sha hpa jaw da mu ai. Nanhte gaw u ni hta grau nna hpu ging nga myit dai n rai ni?

“Dai majaw nanhte hpa lu hpa sha na, ung ang ai myit hkum rawng myit

Ai n kam ai baw e, dai ni nga nna hpawt de wan mang hta kabai bang nna nat kau ai nam na tsingdu ni hpe Karai Kasang shing rai shabu jahpun da ai rai yang gaw, dai hta n ga nanhte yawng hpe jahpun na myit dai n rai ni?

Magap ka-up da ai arai hpa rai tim, hpaw malang dat na ra ai; masha n chye lu hkra makoi da ai lam nga manga mung dan dawng pru wa na ra ai.