Popular Bible Verses from LUKA 17

Share

Dai hpang, dai wa hpe, “Rawt hkawm wa nu, na a kam sham ai gaw nang hpe kaja shangun nit dai,” ngu nna shi hpe tsun dat wu ai.

Lani jan sha nang hpe sanit lang mara galaw nna shagu lang nang hpang de sa nhtawm, ‘Ngai myit malai sai,’ ngu tsun yang, nang shi hpe mara dat ya lu na rai ndai.”

Shanhte hta na marai langai mi gaw, tinang hkum san pra mat sai hpe mu chye jang, bai nhtang sa nna, nsen kaba hte Karai Kasang hpe shagrau sha-a wu ai. Yesu a lagaw nhpang e dingnyawm dagup let, shi a chyeju hpe shakawn ya wu ai, dai wa gaw Samari masha rai nga ai.

Dai majaw, nang galaw ai amu hpe sadi let yu nga u! “Na a nhpu nnau wa yubak galaw shut hpyit yang, daru sharin u, myit malai bai lu yang gaw, shi a mara ni hpe dat ya u.

Yesu gaw, “Marai shi san pra mat ma sai n rai ni? Kaga marai jahku gaw kanang rai wa ma sata?

Madu gaw, “Nanhte hta kam sham ai myit chyinghkrang tum langai daram rawng myit yang gaw, ndai labri hpun hpe, hpun e, aru hte nawng baw nna panglai e sa tu nga u law!,” ngu yang nanhte a ga madat na ra ai.

Tinang a asak hkye la na tam ai wa kadai mung, asak sum na ra ai, rai ti mung tinang asak sum ai wa chyawm gaw, asak hpe hkye la lu na ra ai.

Yesu gaw shi a sape ni hpe, “Masha hpe yubak mara hta kataw bang shangun na lam ni gaw teng teng byin na ra ai; rai ti mung, dai lam shabyin shapraw dat ai wa gaw dingnye lu ai. Dai wa gaw, ndai ma kaji ni hta na langai mi hpe yubak galaw shangun ai rai yang, shi a du hta htumrin lung kaba gyit noi nna, panglai hta jahkrat bang kau na gaw, shi a matu grau mai nga ai.

Noa ban e byin ai zawn, Masha Kasha a nhtoi ni hta mung byin na ra ai. Noa sanghpaw li de shang ai shani du hkra nan, masha ni gaw, lu let, sha let, num la num ya rai nga nga ma yang, sha-u ing wa nna shanhte yawng hpe yeng seng kau mu ai.