Popular Bible Verses from LUKA 22

Share

“Wa e, nang ra n yang gaw, ndai nni nkri ngu ai gawm hpe ngai kaw na shalai kau ya e; rai ti mung ngai ra ai hku n rai, nang ra ai hku she rai u ga,” ngu nna hpyi wu ai.

Rai ti mung, na a kam sham ai myit n hten lit ga ngu nna, nang Simun a matu ngai akyu hpyi da ni ai. Shing rai nang ngai hpang de bai kayin dum wa yang, na nhpu nnau ni hpe shangang shakang ya lu na rai ndai.”

Shaloi shi muk tawng la nna shakawn ngut jang, dai hpe ahkyep alep nna shanhte hpe jaw let, “Ndai gaw nanhte a matu ya kau ai, nye a hkum rai li ai, ngai hpe adum nga na matu, ndai galaw mu,” ngu mu ai.

Dai hte maren shana shat sha ngut jang, dai gawm hpe mung shi la nhtawm, “Ndai gaw nanhte a matu ru kau ai, nye a asai hta gaw da ai Karai Kasang a ga shaka ningnan rai nga ai.

Myit masin hta dik hkra nni nkri hkrum nga ai majaw, shi grau nna akyu hpyi shaja wu ai. Shi a salu salat mung sai kahte ni zawn ga de hkrat lu ai.

Rai ti mung, nanhte shada da gaw dai hku n mai rai ang ai. Nanhte hta kaba dik ai wa gaw, asak kaji dik ai wa zawn rai u ga; ningbaw tai ai wa gaw, shangun ma zawn rai u ga.

Yesu gaw, “Petru e, ngai nang hpe tsun de ga, dai na pyi, u garai n goi yang, nang ngai hpe n chye nngai nga nna masum lang nyet kau na rin dai,” ngu wu ai.