Popular Bible Verses from ยฮ 14

Share

โอว แตห เบ มึห น็อห เฆียด, แตห อึณ ปี น็อห เฆียด โอว. ปี ดัว โอว ตี, อึณ ตู ปี ปี ดัว เฆ ดูอี อี กอย แดง กาดาย, เฆ อี ตู นับ เฌาพรา. โคว, แกวะ แตห อึณ แบน ดูก ดี น็อห เบ, แกวะ แตห เบ โยว.

เฌา เยซู วี ต็อห, “อึณ มูห โอว. โอว ปี อึณเตณ ตี. โอว แตห เบ นับ นา หมาน, ปี โลว โดบ เบ. โอว บอ นับ ดี ดัว อาซาก กามาย ดี เบ. เซ ดูอี ตู หณึม บึง โอว, อาว มึห อาเซ อี ปึอน ฌัม โดง กอย ฆูณ โอว.

วาย อัน ตี เฌา เยซู วี ต็อห ดี ดีแบ อัน, “แกวะ แตห อึณ แบน ดูก ดี น็อห เบ, แตห เบ หณึม เฌาพรา, บอ หณึม โอว.

อึณ ยี มูห อี ดี จอย เบ ตึอน, อี มูห น็อห พึอม เฌาพรา ปี ตึย เฌาพรา ดี เบ, แตห อัน กาดาง โอว, อัน ดี มาโนว เบ, แตห เบ นับ โตต ดอน โมยว, แตห เบ วี โหลห ดอน โมยว แปะ แฮะ ดึอม กาลาง โอว ดี เบ.

อาเซ นับ ปี จัร โอว, อาเซ บอ โบง ปี จัร โอว ตี, อึณ มูห ดูอี วี ตี, อัน ร็อก โอว. เซ ดูอี อู วี ยี ร็อก โอว, บอ ฆูณ โอว ดี ร็อก อัน. บอ โอว ดี ร็อก ดูอี วี ตี. โอว ดี บอ แตห อัน นับ ซีคยา โอว.”

โอว ดี บอ หมาณ ดี เฌาพรา. แฮะ ฮอต อัน ดี วี ดัว ดี เบ อี ดี จอย เบ ปอ อู วี. อัน ดี กอย รึม โดบ เบ เซเซ. อึณ มูห น็อห พึอม เฌาพรา อี แตห เบ นับ นา หมาน. เฆ ดูอี อี กอย แดง กาดาย ตู นับ เฌาพรา, เฆ ตู ปึอน แตห น็อห พึอม เฌาพรา ลึบ แคง น็อห เฆ. โคว, เฆ ตู ปึอน ยึร อัน. เฆ มืร ตู นับ อัน. เบ ยี นับ อัน โกบ กอย รึม อัน โดบ เบ ดอ ตี นี. แฮะ ฮอต, อัน ดี ลึบ แคง น็อห เบ.

ปี หมาณ เบ ดี เฌาพรา ดอน โมยว โอว ดี โบง ดัว ดี เบ โกบ หณึม เบ ดี โอว. ปาย ตี, อึณ มูห ฆอน เฌาพรา อี แตห อึณ ลึห อาพูง ดังโคว เฌาพรา. โกบ หณึม เบ ดี โอว เบ ปึอน หมาณ ดี เฌาพรา แคะ ปี ซี หมาณ เบ. โอว ดี บอ โบง ดัว ปี หมาณ เบ.”

เฌา เยซู วี ต็อห, “เซ เบ ร็อก โอว, เบ ดี บอ โทม โบง โดบ ปี จัร โอว เบ โบง.

แคง กาง ฆูณ โอว, อึณ มึห โฮง โดง ดี กอย กืน. เซ อึณ ตู มูห ปาย ตี, โอว ดี บอ กาลาง ดี เบ. โอว ดี โฮะ โดง กอย ฆูณ โอว, แตห โอว แรน โดง ดี กอย อาดา เบ.

โอว ฮี ฮอต แรน โดง ตี, โอว ดี วี ตัห แดะ บอ เบ ตัห โดบ โอว, แตห เบ กอย รึม โดบ โอว โดง กอย โอว.

อาโทวมาด วี ต็อห ดี เฌา เยซู, “ซารา, เย ตู นับ โดง ดี ว็อะ แม. เหมา เย ดี ปาย ดี นับ อึณเตณ อี ดี ฌัม โดง กอย แม ตี?”