Popular Bible Verses from Марк 13

Share

Мениң атым себепли, сизлерди ҳәмме жек көреди. Бирақ ақырына дейин шыдаған қутқарылады.

Абайлаңлар ҳәм сергек болыңлар, өйткени сол ўақыттың қашан келетуғынын билмейсизлер.

Сизлерди услап алып, ҳүким етиўге апаратырғанда, не айтыўды ойлап, алдын ала тынышсызланбаңлар. Сол ўақытта сизлерге не берилсе, соны айтыңлар. Себеби сизлер емес, ал Мухаддес Руўх сөйлейди.

Аспан менен жер жойылады, бирақ Мениң сөзлерим ҳеш қашан жойылмайды.

– Сол күнди ямаса сол саатты ҳеш ким де билмейди: аспандағы периштелер де, Улдың Өзи де, тек ғана Әкем биледи.

Сизлер урыслардың шаўқымын ҳәм урыслар ҳаққында мыш-мышларды еситкенде қәўетерленбеңлер. Булардың болыўы шәрт, бирақ бул еле ақыры емес.

Солай етип, сергек болыңлар! Себеби үй ийесиниң кеште ме, ярым ақшамда ма, қораз шақырғанда ма, ерте азанда ма, қашан келетуғынын билмейсизлер. Ол күтилмегенде келип, сизлердиң уйықлап атырғаныңызды көрмесин. Сизлерге айтатуғынымды ҳәммеге айтаман: сергек болыңлар!

Себеби миллет миллетке қарсы, патшалық патшалыққа қарсы көтериледи. Көп жерлерде жер силкиниўлер ҳәм ашаршылықлар болады. Бул ўақыялар толғақ азабының басланыўына уқсайды.

Бирақ дәслеп Хош Хабар ҳәмме халықларға жәрияланыўы шәрт.

Өйткени көплер Мениң атым менен келип: «Мен – Масийхпан» деп, көп адамларды алдайды.

Өзлериңизге сақ болыңлар! Өйткени сизлерди қазыханаларға тапсырады ҳәм мәжилисханаларда таяқ жейсизлер. Және де, Мен себепли ҳәкимлер ҳәм патшалардың алдына апарылып, оларға гүўалық бересизлер.

Өйткени жалған масийхлар ҳәм жалған пайғамбарлар пайда болып, егер мүмкин болса, таңлап алынғанларды алдаў ушын, кәраматлы белгилер ҳәм таң қаларлық ислерди көрсетеди.

– Бирақ сол күнлери, сол апаттан кейин, «Қуяш қараңғыланады, Ай өз жақтысын түсирмейди. Жулдызлар аспаннан түсип, Аспан күшлери силкинеди».