Popular Bible Verses from Genesis 15

Share

Abrammi ge ǃKHūB ǃnâ ǁîb ǂgomǃgâsa ge mâi tsîb ge ǃKHūBA ǁnās ǃaroma ǁîb xa ǃgâiǂâi tsî ǁîba ge ūǃoa.

Nēs khaoǃgâb ge ǃKHūBA Abrammi ǀkha ǁhapo-i ǃnâ ge ǃhoa: “Tā ǃao re Abramtse, tita ge satsa ǃaorosasiga xu sâu tsî kai mādawa-amsa nî mā.”

Tsîb ge ǃKHūBA Abramma tentoms âba xu ǂoaxa-ū tsî ge mîba: “ǃĀǂuisab ǃoa kōkhâi, îts ǀgamirode ǃgôatsâ; ǁîdi kōse ǂgui suribats ge nî ūhâ.”

Ob ge ǃKHūBA ǁkhawa Abrammi ǀkha ge ǃhoa: “Elieser tideb ge sa xūna nî ǀumiba. Sa ǂhunuma ǀgôab ge nî sa ǀumi-ao.”

Ob ge ǃKHūBA “Sa surib ge ǃhaokhoese, ǃhao ǃhūb ǃnâ nî ī; ǁîn ge hakakaidisi kurigu ǁaeba ǁnāpa khobodīhe tsî ra ǁgâiǀāhese nî hâ.

Ob ge Abramma “ǃKHū Elotse, sa mādawa-amsa tarebe ǃgâi-e tita nî ūhâba? Tita kom noxopa ǀgôa-e ūhâ tamao, tsîb ge Elieseri, Damaskus diba nî ti ǀumi-ao.

ǁNā tsēs aib ge ǃKHūBA Abrammi ǀkha ǃgaeǀhaosa dī tsî ge mî: “Tita ge Egipteb di ǃhūǀgorasa xu Eufratǃāb kōse hâ ǃhūba ta nî sa suriba mā ǃkhaisa ra mîmâi.

Haka ôananôagugu khaoǃgâ ǀguis ge sa surib nî nēpa oahāsa, Amorǁîn nî kaise sī ǂkhaba tsî ǁkharahes kōse ta ǁîna ǃhaeǂui tide xui-ao.”