Popular Bible Verses from Genesis 27

Share

Ab Eloba ǀhomma xu ǀauba mā tsi tsî sa ǃhanaga ǂûtanixa kai. Ab ǃnāǂamsasib ǃnâ ǃhorob tsî ǂauxûiba mā tsi. ǃHaodi ge nî ǃoaba tsi tsî ǁaedi ge sa aiǃâ nî ǃhon. Sats ge sa ǃgâsagu ǂama nî ǀhonkhoe tsî gu ge sa îs di ôaga sa aiǃâ nî ǃhon. An satsa ga ǀâxaren hoana ǀâxarehe tsî satsa ra ǀkhaen hoana ǀkhaehe.”

Ob ge Esauba ge mî: “ǂHanuse tamasa kha ǁnâi Jakob tib ge ǀonǂgaihesa? Nēs ge ǀgamǁî ǃnās hîab ra gā tesa. Aibeb ge ti ǂguroǃnaesabesis di aiǂhanuba ge ū tsîb ge nēsisa ti ǀkhaeba go ǀhana te. Ots kha tita ǁnâi ǀkhae-e go sâuba tama hâ i?”

Ob ge Isaka ge ǃeream bi: “Sats ge ǃnūse ǃhūb di ǃkhūsib tsî ǀhomma xu hâ ǀâba xu nî ǁan. Toroba xu ûi tsîts ge sa ǃgâsaba nî ǃoaba. Xawets ge mâǃoats ka o sa ǃgâsaba xu a ǃnorasa.”

Ob ge Esauba “Ots kha ǀgui ǀkhaeb ǀguiba go ūhâ i? Tita tsîna toxopa ǀkhae re” ti ǁgûba ǀkhoma tsî ge ātsoatsoa.