Popular Bible Verses from Markub 13

Share

Tsî du ge hoaraga khoen xa ti ǀons ǃaroma nî ǁkhanhe. Xawe ǀams kōse ga mâǀgai-i ge nî orehe.

Xuige ǂkhaikari hâ, mâǁaeb nî ǁaeba hā ǃkhaisa du a ǀū xuige.

Tsîn ga ǁîna ǃkhō tsî ǁnâuǃgâs ǃoa sī-ū duo, tā ǂâiǂhansen tare-e du nî mîsa. ǁNā ǁaeb ga ǀoa, o māhe du nîna ǃhoa re. Mî du kan hoan sado xu tama xawe ǃAnu Gagaba xu hâ amaga.

ǀHommi tsî ǃhūbaib ge nî ǃgû-ī, xawe ti mîdi ge tātsēs tsîna ǃgû-ī tide.

“Xawe khoe-i xare-i ge tsēs tamas ka io iri nē xūn nî ība a ǀū. ǀHomǃgān tamas ka io ǀGôab tsîn ge ǂan tama hâ, ǁGûb ǀguib ge a ǂan.

Torogu ge ǀgūse tsî ǃnūse hâgu xa du ge nî ǁnâu, o xawe tā ǃao tsî ǁnātikōse ǂâiǂhansen. Nēn ge hā nî xūna, xawes kom nēsa hoaraga xūn di ǀam tamao.

ǁNā-amaga ǂkhaikari hâ! Mâǁaeb ommi di ǀhonkhoeba nî hā ǃkhaisats ǀū xuige. ǃUia, tsuxuǃgâb ai, anib di āb ǀkha tamas ka iob ǃnauǁgoaga nî hāsa. Îb tā ǁîba ǃnapetamase hā tsî satsa ǁom hâse hō. Tsî nē ta ra sado mîbana ta ge hoaraga khoena ra mîba: ǂKhaikari hâ!”

Nē ǁaes ge nau ǁaes ǃoagu nî khâi tsî nē gaosiba nau gaosib ǃoagu; ǂgui ǃkhain ǃhūbaib din ai gu ge ǃâtsūǀkhāgu tsî ǃhūǂgubiga nî hōǃâhe. Nē xūn hoan ge ǂguro tsûb, ǀgôahōs dib khami ī.

Tsîs ge nē ǃGâiǂhôasa aibe hoaraga ǁaedi ǃnâ nî aoǁnâhe.

ǂguin nî hâ ti ǀons ǃnâ hā tsî ‘Tita ge a ǁî’ ti mî tsî ǂguina nēs ǀkha nî ǂgaeǂhapuna xuige.

“ǂAnbasen re nē xūn ga tsoatsoao! Sadu ge ǀapemāǃnandi di ǂgaeǂgui-aon ai māǁnâhe tsî sinagogegu* ǃnâ nî ǂnauhe. ǁKhāti du ge mûǂamaogu tsî gao-aogu aiǃâ ǀhapiǂnûiǀkhāhe tsî nî ǀgoraǃgâhe, ti saoǃgonao du ǃkhais ǃaroma. Os ge nēsa sado a aiǂhanuba, ǁîna ǃGâiǂhôasa mîbasa.

ǂHumi xristugu tsî kēbo-aogu tsîn nî hā, saodi tsî buruxa sîsengu tsîna nî dīse, tsî īǁkhā i kao Elob ǃkhōǂuisabena nî ǂgaeǂhapuse.

“Tsî ǁnā ǃhuriǃhurisa tsēdi ga ǀams khaoǃgâs, ge soresa nî ǃkhae, tsî ǁkhâb ge ǃnâb âba ǂkhai kai tide. Tsîn ge ǀgamirona ǀhomma xu nî ǁnā tsî ǀhommi di ǀgaigu ge nî ǀgabiǁnâhe.