Popular Bible Verses from 1 Kronieke 16

Share

Soek die HERE en sy krag, soek voortdurend sy teenwoordigheid op.

Prys die HERE, want Hy is goed; ja, vir ewig duur sy troue liefde.

Prys die HERE, roep sy Naam uit; maak onder die volke sy dade bekend!

Beroem julle in sy •heilige Naam; laat die harte van hulle wat die HERE opsoek, bly wees.

Roep die wonders wat Hy gedoen het in herinnering, sy tekens en die oordele van sy mond

Sing vir Hom, besing Hom; praat met oorgawe oor al sy wonderwerke.

Want groot is die HERE en besonder lofwaardig; Hy is ontsagwekkend, meer as alle gode.

Gee erkenning aan die HERE vir die heerlikheid van sy Naam! Bring offers en kom in sy teenwoordigheid! Buig in aanbidding voor die HERE in sy glansryke heiligheid!

Luister en glans is voor Hom; krag en blydskap is in sy heiligdom.

Sing vir die HERE, o ganse aarde! Verkondig sy verlossing van dag tot dag!

Maak onder die nasies sy majesteit bekend, onder al die volke sy wonderdade.

“Moenie aan my gesalfdes raak nie; my profete moet julle geen kwaad aandoen nie.”

Ja, al die gode van die volke is niksbeduidend, maar die HERE het die hemel gemaak.

Onthou vir altyd sy verbond, die woord wat Hy beveel het vir duisend geslagte

Laat die hemel bly wees, en die aarde juig. Mense onder die nasies sê: “Die HERE regeer!”

Die HERE, die God van Israel, moet geprys word, van ewigheid af en vir ewig. Die hele volk moet sê: “•Amen!” en “Loof die HERE!”

Gee erkenning aan die HERE, familiegroepe van volke! Gee erkenning aan die HERE vir sy heerlikheid en krag!