Popular Bible Verses from Jesaja 26

Share

'n Standvastige gesindheid sal U in volkome vrede bewaar, omdat daar op U vertrou word.

Vertrou te alle tye op die HERE, want die HERE, die HERE is 'n ewige rots.

Met my hele wese smag ek na U in die nag, ja, my gees in my binneste soek na U. Want wanneer u oordele die aarde tref, leer die bewoners van die wêreld wat reg is.

HERE, U beskik vir ons vrede; ja, ook alles wat ons vermag het, het U vir ons bewerk.

Selfs op die pad van u oordele, HERE, het ons op U gewag. U Naam, u gevierde Naam, was ons hartsverlange.

Die paaie van regverdiges is gelyk; reguit is die weë van regverdiges wat U vir hulle skoonmaak.

Ja, dié wat hoog woon, die ontoeganklike stad, laat Hy tuimel. Hy haal haar neer, Hy haal haar tot die grond toe neer – Hy gooi haar neer tot in die stof.

Maak oop die poorte, sodat 'n regverdige nasie kan ingaan, hulle wat getrou bly!