Popular Bible Verses from Jesaja 54

Share

Geen wapen wat teen jou gemaak word, sal suksesvol wees nie. Elke tong wat teen jou getuig in 'n regsgeding, sal jy skuldig verklaar. “Dit is die erfdeel van die HERE se diensknegte; dit is hulle geregtigheid van my kant,” is die uitspraak van die HERE.

Ja, die berge mag wyk en die heuwels wankel, maar my troue liefde sal nie van jou wyk nie, en my vredesverbond sal nie wankel nie, ” het jou ontfermer, die HERE, gesê.

Moenie bang wees nie, want jy sal nie beskaamd staan nie; moenie verneder voel nie, want jy sal nie verleë wees nie. Ja, die skande van jou jeug sal jy vergeet, en aan die gespot oor jou weduweeskap sal jy nie weer dink nie.

Want Hy wat met jou trou, is jou Maker; die HERE, Heerser oor alle magte is sy Naam. Hy wat jou loskoop, is die Heilige van Israel. God van die hele wêreld word Hy genoem.

Maak die plek vir jou tent groter, en die tentdoeke van jou wonings – laat dit oopgespan word; moet dit nie beperk nie! Maak jou tenttoue lank en jou tentpenne stewig!

Al jou kinders sal leerlinge van die HERE wees, en groot sal die voorspoed van jou kinders wees.

In 'n opwelling van grimmigheid het Ek my gesig 'n oomblik lank vir jou verberg; maar in ewige troue liefde ontferm Ek My oor jou,” het jou losser, die HERE, gesê.

“Vir 'n kort oomblik het Ek jou verlaat, maar met groot ontferming sal Ek jou versamel.

“Soos in die dae van Noag is hierdie tyd vir My: Ek het 'n eed afgelê dat die water van Noag nie weer die aarde sal oorstroom nie. Net so het Ek 'n eed afgelê om nie weer toornig te wees op jou en jou te dreig nie.

Ek sal jou borswerings van •chalcedoon maak, en jou poorte sal van •berilsteen wees. Jou hele grensmuur sal van kosbare edelstene wees.