Popular Bible Verses from Johannes 15

Share

Ek is die druiwestok, julle die lote. Wie in My bly en Ek in hom, hy dra baie vrug, want sonder My kan julle niks doen nie.

Bly in My, soos Ek in julle. Net soos die loot nie uit sy eie vrug kan dra as dit nie in die druiwestok bly nie, so julle ook nie as julle nie in My bly nie.

As julle in My bly, en my woorde in julle bly, vra dan wat julle wil, en dit sal met julle gebeur.

Julle het My nie uitgekies nie, maar Ek het julle uitgekies en julle aangestel om uit te gaan en vrug te dra, vrug wat blywend is, sodat, wat julle die Vader in my Naam vra, Hy dit aan julle mag gee.

Groter liefde as dit het niemand nie, dat iemand sy lewe aflê vir sy vriende.

Elke loot aan My wat nie vrug dra nie, sny Hy weg; maar elkeen wat vrug dra, snoei Hy skoon, sodat dit meer vrug kan dra.

Dit is my gebod: Julle moet mekaar liefhê, net soos Ek julle liefgehad het.

Hierdeur word my Vader verheerlik, dat julle baie vrug dra en my dissipels kan wees.”

“Ek is die egte druiwestok en my Vader is die landbouer.

As iemand nie in My bly nie, word hy soos 'n loot buite uitgegooi, en verdroog. Hulle maak dit bymekaar en gooi dit in die vuur, en dit verbrand.

Dit het Ek vir julle gesê, sodat my blydskap in julle kan wees, en julle blydskap volkome kan wees.

As julle my gebooie onderhou, sal julle in my liefde bly, net soos Ek die opdragte van my Vader gehoorsaam het en in sy liefde bly.

Dit beveel Ek julle: Julle moet mekaar liefhê.”

As julle van die wêreld was, sou die wêreld julle as sy eie liefhê. Omdat julle egter nie van die wêreld is nie, maar Ek julle uit die wêreld uitgekies het, juis daarom haat die wêreld julle.