Popular Bible Verses from Spreuke 10

Share

Die seën van die HERE – dit is wat ryk maak, en harde werk voeg daar niks by nie.

By 'n oorvloed woorde bly oortredings nie uit nie; maar wie sy lippe in bedwang hou, is verstandig.

Haat verwek tweedrag, maar liefde bedek alle oortredings.

'n Trae hand maak arm, maar die hand van vlytiges maak ryk.

Wie ag slaan op vermaning, is op pad na lewe; maar wie teregwysing in die wind slaan, lei ander op 'n dwaalweg.

Wie onberispelik leef, leef veilig; maar wie sy paaie vol kinkels maak, word betrap.

Ontsag vir die HERE verleng die lewensdae, maar die jare van goddeloses word kortgeknip.

Die HERE laat die keel van 'n regverdige nie honger ly nie, maar die gulsigheid van goddeloses dwarsboom Hy.

Wanneer 'n storm verbytrek, is 'n goddelose nie meer daar nie, maar 'n regverdige is 'n ewige fondament.