Popular Bible Verses from KEJADIN 39

Share

TUHAN si ngarak-ngarak Jusup, seh maka sangap ia i bas kerina pendahinna. Jusup tading ras tuanna bangsa Mesir e.

Iendesken Potipar kerina man Jusup, janah ia lanai lit kai pe man ukurenna, seakatan man saja ngenca. Jusup paguh dagingna dingen rupana pe mejile.

Isuruhna Jusup ngurus kerina kalak tutupen si deban, janah iendeskenna man bana kerina tanggung jawab kerna kai si ilakoken i bas rumah tutupen e.

E maka isuruhna Jusup itangkap, dingen itamaken ku bas tutupen ingan tutupen tahanen raja. I je me Jusup tading. Tapi TUHAN kap si ngarak-ngarak Jusup dingen ipasu-pasuNa ia. E maka ngena ate penjaga rumah tutupen e man Jusup.

La ndekahsa, ndehara tuanna mulai leket ukurna man Jusup, e maka ipindona gelah ras ia medem. Itulak Jusup pemindonna enda nina, “Nehenlah, sitik pe lanai icampuri tuanku urusen rumah enda, perban aku enggo i jenda. Iendeskenna man bangku guna ngurus kerina ertana. Seri kuasangku ras ia i bas rumah enda, janah kerina enggo iendeskenna bangku seakatan kam perban kam ndeharana. Adi bage i ja nge banci kulakoken perbahanen si la mehuli, janah erdosa man Dibata?”

Tapi i bas sada wari sanga Jusup bengket ku rumah ndahiken dahinna, sada pe suruh-suruhen si ertugas i bas rumah e la i je. Itagangina baju Jusup nina, “Mari ras kita medem.” Tapi ipulahi Jusup bana, kiam ia ndarat, itadingkenna bajuna i bas tan diberu e.