Popular Bible Verses from JOHANES 5

Share

“Kukataken man bandu maka kalak si megiken katangKu, dingen tek man si nuruh Aku, ialokenna kap kegeluhen si tuhu-tuhu si la erkeri-kerin. Ia lanai iukum tapi enggo pulah i bas kematen nari janah ndatken kegeluhen.

Idah Jesus ia ampar i je janah ietehNa maka enggo ndekah ia sakit. E maka nina Jesus man bana, “Atendu kin gelah malem penakitndu?”

Ipelajarindu Pustaka Si Badia sabap iakapndu idatndu me kegeluhen si tuhu-tuhu si la erkeri-kerin i bas Pustaka Si Badia nari. Situhuna Pustaka Si Badia e pe erberita kerna Aku nge! Tapi la kam nggit ndahi Aku guna ngaloken kegeluhen e.”

Nina Jesus man bana, “Kekekenlah, angkat amakndu jenari dalanken!” Paksa si e pe minter malem penakitna. Iangkatna amakna jenari erdalan ia. Si enda jadi asum wari Sabat kalak Jahudi.

Jenari ngerana Jesus man kalak Jahudi e, “Kukataken man bandu: Situhuna kai si ibahan Anak e labo rikutken sura-suraNa. Kai i idahNa ibahan BapaNa, e nge si ibahanNa.