Popular Bible Verses from LUKAS 17

Share

Jenari nina Jesus man bana, “Kekeken to mulihken; kinitekenndu enggo erbahanca kam malem.”

Bage pe adi ersalah ia pitu kali sada wari nandangi kam, janah tep-tep ersalah, reh ia ndahi kam, janah nina, ‘Aku enggo robah, arus maka ialemikam ia.’ ”

Sekalak i bas si sepuluh kalak e, kenca idahna maka enggo mejelis kulana, mulihken, ia, ipujina Dibata alu sora megang. Erjimpuh ia i lebe-lebe Jesus janah ikatakenna bujur. Kalak si mulihken enda e me kalak Samaria.

Jagailah dirindu! Adi erdosa seninandu, ajarkenlah ia. Janah adi robah ia, alemilah.

E maka nina Jesus, “Ma sepuluh kalak kin si malem ndai? I ja siwah kalak nari?

Ngaloi Tuhan, “Adi lit kinitekenndu sengkebuah sabi lah gia, banci ikatakenndu man batang ara enda, ‘Meruahlah kam, suanken bandu i bas lawit!’, janah minter pe ikutkenna katandu e.”

Ise si mpertahanken kegeluhenna, ia kebenen geluhna si tuhu-tuhu; tapi kalak si kebenen geluhna, si tuhuna ia enggo mpertahanken kegeluhenna si tuhu-tuhu.

Jenari nina Jesus man ajar-ajarNa, “La banci lang ndabuh kalak ku bas dosa arah erbage-bage dalan; tapi andiko cilaka kal si arah ia dalanna maka kalak ndabuh ku bas dosa. Ulin me irakuti batu penggilingen i bas kerahungna jenari iambekken ia ku lawit asangken kalak si kitik enda ibabaina erdosa.

Bagi sanga Nuah nai, bage me pe pagi kerna kerehen Anak Manusia persuruhen Dibata e. Kerina kalak, man, minem, sereh bage pe empo, seh warina Nuah bengket ku bas perahuna. Jenari reh banjir si mbelin janah kerina kalak mate gedap.