Popular Bible Verses from લુક 14

Share

બાકી કાદાં મા પાહી યેય, એને ચ્યા આબહો એને આયહો એને થેઅઈ એને પોહેં એને બાહા એને બોઅયહો એને પોતા જીવાલ બી અપ્રિય નાંય હુમજી, તોવે ચ્યા મા શિષ્ય નાંય ઓઈ હોકે.

જીં માઅહું મા શિષ્ય ઓઅના લીદે દુઃખ નાંય વેઠે એને મોઅરાંહાટી તિયાર નાંય ઓએ, તીં મા શિષ્ય બોના લાયકે નાંય હેય.

કાહાકા જીં માઅહું પોતેજ મોઠા બોના માગહે, તી વાહનો બોની, એને જીં માઅહું પોતાલ વાહના ગોણહે, ચ્યાલ મોઠો ગોણવામાય યી.”

યેજપરમાણે તુમહેમાઅને જીં કાદાં માઅહું પોતાના બોદાંજ છોડી નાંય દેય, તો મા શિષ્ય નાંય બોની હોકે.

જો તુમહેમાઅને કાદો બુરુજ બોનાડા માગહે, તો ચ્ચા પેલ્લા બોહીન યે વાતે ઇસાબ લાવે કા યાલ બોનાડાહાટી કોલહો ખોરચો લાગરી, એને ચ્યાપાય ચ્યાલ પુરાં કોઅરાહાટી પુરતાં પોયહા હેય કા નાંય. જોવે ચ્ચા એહેકોય નાંય ઓઈ, કા પાયો ટાકીન પાછે ચ્યાલ પુરાં નાંય કોઇ હોકે, તોવે બોદે ચ્યાલ એઅનારે એહેકોય આખીન ઓહરી, એઆ-એઆ ઈ માઅહું બોનાડા તે લાગ્યેલ બાકી આમી પુરાં નાંય કોઅઇ રીયોહો?

બાકી તું ખાઅના ખાવાડે, તોવે તું ગોરીબાહાલ, ઠોટયાહાલ, અપંગાહાલ, લેંગડયાહાલ એને આંદળહાલ હાદા. તોવે તું ધન્ય ઓઅહે, કાહાકા ચ્યાહા પે તુલ બોદલો દાંહાટી કાયજ નાંય હેય, બાકી તુલ ન્યાયી લોક મોઅલા માઅને પાછા જીવી ઉઠી, તોવે પોરમેહેર તુલ ચ્યા ઇનામ દી.”

“મીઠાં તે જરુરી વસ્તુ હેય, બાકી મીઠાં ચોવવોગાર ઓઈ જાય, તે કોઅહી વસ્તુકોય ખારાં કોઅહા? તીં નાંય તે દોરત્યે હાટી નાંય તે ખોતા હાટી કામામાંય યેહે: ચ્યાલ તે લોક બાઆ ટાકી દેતહા. જો વોનાયા હાટી તિયાર હેય તો વોનાય લેય.”