Popular Bible Verses from Yʉanɨ 19

Share

Iya Yeso a꞉mwa nayɔ vinyo ɔɔ ngangʉ ngiinanɨ, ambusigo ɓɔ: « Moni kʉ muɓomu kusio tiga sioo! » Kija achukumo 'ʉtʉ nɨsɨ ambʉtɨnɨa 'ʉtʉma.

Kija Yeso a꞉mbɨa ɓɔ moni kʉ muɓomu kusio sioo, nʉ ɓɔ moni ngika ɓa꞉tɨndakɨa jɛnɛ amati ʉ Mubio kʉ Asʉɓɨɨ kʉ꞉kyananakɨa tiga kyananakɨaa, ambusigo ɓɔ: « Taa yɨ mepo yanɛmɛ. »

Iya Yeso a꞉na nayɔ inye ɓʉmaɨ ɨzɔ nʉ 'ʉkpataka ngua ɛyɔ Yeso i꞉nye mʉkʉnda ɓʉkaɨ nanɨ anambamba angɔ, ambusigio inye ɓɔ: « Inoo, mwana asɔɔ tii tʉkʉ iya. » Mbise ɔngɔ ambʉɓɨa tiga 'ʉkpataka nguʉnanɨ ɓɔ: « Anʉ tii tʉkʉ iya. » Kʉʉngwa isiinanɨ, 'ʉkpataka nguʉnanɨ ambʉsa nʉ Malɨa tii tʉkʉ andɔngɔ.

Ɨkyɛmɨngana, iya ɓa꞉ɓʉya tiga aka Yeso i꞉nye‑ɔɔ ɓambʉgbʉka ɓɔ uweni woni, iikwa ɓa꞉muɓundokɔmʉ tii ɓata mɨtɨndɨ nga yangɔ. Ɨkyɛmɨngana, sʉda mʉngana ambʉmʉchwa jaga akʉ ngaja, kʉ nɨma ngiinanɨ miniki kambʉɓʉa ɨzɔ nʉ mepo.

Moni ngikʉnanɨ ka꞉kyananakɨa kʉkpatanakɨa nʉ Mubio kʉ Asʉɓɨɨ ngika ka꞉sigo ɓɔ: « Ɓambukuɓundo uho wangɔ gʉkʉ mungono. » Nʉ Mubio nga kɔmɔ ka꞉sigo ɓata kʉ ɓɔ: « Ɓa꞊kanga mombi ngia ɓa꞉mʉchwa nʉ jaga. »

Yeso ambufuɓuo mʉsalaba nguangɔ ɛyɔ makʉɔngɔ kʉɓʉa akʉ gʉlʉ nʉ kʉsa akʉ ʉmʉa ngua ɓi꞉nye usoko nʉ 'ʉɗaɗa wʉ Ɨbalanɨa ɓɔ: « Gɔlɔgɔta », inyi yɛngɔ ɓɔ: « Ikpoko‑kpoko yɨ 'ʉtʉ. »

Kija ɓasʉda ɓa꞉ʉwa ɨgaɨ yɨ ɓʉngama yɨ maɓʉ, ɓambʉmʉbanga akʉ 'ʉtʉ. Ɓambʉmʉpɨnya ɨpʉkʉ yɛɛ ngbo yɨ ɓʉngama.