Popular Bible Verses from Luka 14

Share

« Mombi inye kʉka andɛmɛ, aɓio 'ʉkpataka wʉsɛmɛ tʉkʉ ambʉ ʉnakʉnda ɛmɛ kʉɓaa ɨsɛ, inye, moi angɔ, ɓana ɓangɔ, ɓamanye ɓɔɔ gue nʉ ɓɔɔ ɓoi, abana kʉndʉ ʉɓɨɨ nguangɔ makʉɔngɔ.

Mombi ngia ambukufuɓuo mʉsalaba nguangɔ, nʉ kʉkɨndaka ɨzɔ nɛmɛ, ambʉkʉkwanana kuɓio 'ʉkpataka wʉsɛmɛ.

Jʉ mombi ngia a꞊zonono nɨkʉʉ, Asʉɓɨɨ a꞊mijiso tiga nɨsɨ. Nʉ mombi ngia a꞊ijisiniso nɨsɨ, Asʉɓɨɨ a꞊muzono tiga nɨkʉʉ. »

Tiga kʉ ɓwanɨ, Yeso ambʉmatɨa ɓɔ: « Ati ʉndɛnʉ, mombi gʉkʉ mʉngana ambʉkʉkwanana kuɓio 'ʉkpataka wʉsɛmɛ, ndʉ ambʉkʉsɨa kumbo ngia anayɔ kʉ 'uɓomu. »

Ndʉ mombi mʉngana ati ʉndɛnʉ aɓio‑zʉ kʉkʉnda kʉtɨa aga ɔɔ ikongo, mɛɛ‑zʉ akpanga nʉ wulo, ambupimiso‑zʉ nʉ poo ɓɔ kumbo 'ʉpitanɨ iya yakʉta akʉ kuu ngiinanɨ. Ambʉmbɨa ɓɔ ajʉ anʉ kumbo ikanzi ngia apipo nayɔ kuu ngiinanɨ. Ndʉ amba tʉkʉ ʉpɨa nʉ tɨa 'ʉkʉpa wʉ mukopi amati, chʉkɔmʉ ambuupipo, ɓombi kʉ ɓuɓomu ngiɓa ɓaɓio kʉna idungbu yɨ aga ngiinanɨ ɓaɓio tiga nayɔ kʉnʉa. Ɓaɓio tiga kusigo ɓɔ: ‹ Gue ngiakɛ a꞉napio kʉtɨa aga, ɨkyɛmɨngana a꞉mʉɓaa angu kupipo engo ɓaa! ›

Ɨkyɛmɨngana, wusokeni ɓombi akʉ ʉmbɔ, soko ɓombi ɓʉ ɓanangyɨa, ɓombi ɓɔɔ ɓʉjʉnganakɛ, ɓajakɛsɨ nʉ ɓombi ngiɓa ɓambakana. Wukyieni ɓwanɨ, waɓio nʉ ɨgyagya, jʉ ɛɓɔ ɓambʉkɔmʉ ikanzi ngia ɓa꞊natuisio ɔwɛ ɨkyɛmɛ. Tiga kʉ ɓwanɨ, Asʉɓɨɨ a꞊natuisio sina ʉkʉa wɔngɔ ati ngia ɓombi ɓɔɔ ngbingbii ɓa꞊jʉkana sina‑ɔɔ akʉ ingyo. »

« 'Ukwe ka ɨkyɛmɛ yɛɛ tɨpɨ, ɨkyɛmɨngana kʉkweni ndapa ndapa, ɓakukiso ɓata tɨpɨ nɨngbaa tɨmanɨ? Kambʉkʉkwanana ɓata kuɓio muɗo gʉkʉ ɓɔ kanzo ɨtaka ʉdɔɓɔ, abana tʉkʉ ɨkaka. Ɓakugiso tii tʉkʉ giso. Mombi ngia anʉ muchwei kɔɔ mʉkɛ, ʉkɔ moni ngikʉnanɨ tʉkʉ kɔɔ. »