Popular Bible Verses from Luka 5

Share

Iya a꞉pipo panɨa ɓʉ gba, ambusigio Simoni ɓɔ: « Tutuo ɨngbɔɔ akʉ ɨmba, nambuno mɨkaʉ ngiindɛnʉ kʉfa sipe. »

Simoni ambumutisio ɓɔ: « Mʉpananakɨa, kʉkwaya kuu nuɓutu kupi, chʉkɔmʉ kambʉfa 'usipe gʉ kʉ mungono. Ɨkyɛmɨngana, jʉ kʉ ɔwɛ wutitio, ma꞊no‑zʉ mɨkaʉ tʉkʉ noo. » Iya ɓa꞉no nayɔ mɨkaʉ, ɓambʉfa sipe ɨja nadɨndɨ, kija mɨkaʉ ya꞉faniso tinyoo.

Ɨkyɛmɨngana, Yeso i꞉nye ʉngwa ati ʉndaɓʉ ambʉsa akʉ ɨza, kija i꞉nye kyɨa kʉta Asʉɓɨɨ nani.

Ma꞉kakɔmʉ kusoko ɓombi ɓɔɔ ngbingbii, ɨkyɛmɨngana ma꞉ka kusoko ɓombi ɓʉ ɓʉɓɨɓɨ aka ekoo ngia ɓɔ ɓunicho mɨtʉma ngiindaɓʉ. »

Ati ngia Simoni ngia i꞉nye ino ɓɔ Pɛtɛlɔ a꞉na‑ɔɔ moni ngikʉnanɨ, ambʉgbʉkʉmɨa nʉ muwuu akʉ mɨtɨndɨ yɨ Yeso ambusigo ɓɔ: « Makʉʉɓɨɨ, ʉngwa ɓaka anambamba asɛmɛ ʉngwaa, jʉ ɛmɛ ma mombi ʉ ɓʉɓɨɓɨ. »

Yeso ambuɓutisio ɓɔ: « Ɓombi ɓɔɔ ngbita ngbita ɓambakakyɨa nʉ taa yɨ nana nʉ mʉnganga, ɨkyɛmɨngana tʉkʉ ɓombi ɓʉ ɓakwisikiso ɓaakyɨa nʉ taa yangɔ.

Tiga ndʉ ɓa꞉fʉma lɨngbɔɔ akʉ ɨdʉnda, ɓambʉsɨa kumbo kʉ 'uɓomu ɓambufaniso nayɔ kpata.

Ati ngia Yeso i꞉nye‑ɔɔ akʉ gʉlʉ mʉngana ɓɔmʉ, gue mʉngana i꞉nye ananɨ keɓu‑keɓu umupipeni ndʉtʉ kʉ iɓomu. Iya gue ngiinanɨ a꞉na Yeso, kija a꞉gbʉkʉmɨa mesu akɛsɨ, ambʉmʉndɨanɨa kusigo ɓɔ: « Makʉʉɓɨɨ, ndʉ wakʉnda, najaɓaka ɓaka kweso ngia tʉkʉ jaɓakaa. » Yeso ambuyumo ɨkɔndɔ, ambumuɓoto. Ambumusigio ɓɔ: « Mʉ꞉kʉnda ɓɔ jaɓanakɨa jaɓanakɨa. » Kʉ nɨma ngiinanɨ keɓu‑keɓu ambʉʉngwa gue ngiinanɨ tʉkʉ ɓʉ ngwa.

Uduɓa wʉ Yeso wi꞉nye kʉnadaa mʉa kʉ uɓomu. Tiga ungbutu wʉ ɓombi wɔɔ 'ʉja wa꞉mʉmanakɨa nayɔ kʉkɔ, aka ekoo ngia ɓɔ uɓuhiiso ɓakwisikiso.