Popular Bible Verses from Malɨkɔ 10

Share

Jʉ Mwana ngia ʉ Mombi a꞉kakɔmʉ ɓɔ ɓombi ɓuɓio nayɔ kʉkyananakɨa, ɨkyɛmɨngana a꞉ka kʉkyananakɨa ɓombi, nʉ kunzo ʉɓɨɨ nguangɔ ndʉ apɛpɛ kuhiiso ɓombi ɓaja. »

Yeso ambʉɓʉtɨna nʉ waja, ambuɓusigio ɓɔ: « Ya ɓʉkaɨ akʉ ɓombi ɓʉ ɨtaka, ɨkyɛmɨngana akʉ Asʉɓɨɨ yambʉkɔmʉ ɓʉkaɨ. Jʉ yambʉkɔmʉ nɨngbaa yɨ moni gʉkʉ mɨngana ngia yaakyaka Asʉɓɨɨ. »

Kija Yeso a꞉musigio ɓɔ: « Sa, baya ngiisɔɔ yi꞉nahiiso hiisoo! » Tʉkʉ nɨma ngiinanɨ, mesu kambʉmʉgananɨa, ambufaniso tii tʉkʉ kpata Yeso nɨngbaa ɓʉ ngula.

Kʉ ɓwanɨ, ɓombi ngiɓa Asʉɓɨɨ uɓuɗitinisoo, mombi ɔɔɓʉɗʉkwanisokɔmʉ! »

Yeso ambʉmʉtɨna nʉ waja, ambʉmʉpananiso ɓʉkʉnda, ambumusigio ɓɔ: « Yinatukio ɨngbaa yɨ moni tʉkʉ mɨngana. Sa kʉgaba kumbo ngiasɔɔ kʉ 'uɓomu, falanga ɔngɔ, wambʉɨpakɨa ɓombi ɓʉ ɓanangyɨa. Kʉ ɓwanɨ, wa꞊nyɨa tiga nʉ ɨjangɨa yɛɛ ɨja ekoo ʉ ɓisi. Mbise ɔngɔ, wambʉnakpata! »

Yeso ambumuɓukuo ɓɔ: « Wakʉkʉnda ɓɔ mʉnakyɨa ɨmanɨ? » Ambutisio ɓɔ: « Mʉpananakɨa, mufaniso ɓaka kʉna! »

Ɨkyɛmɨngana, ati ʉndɛnʉ, nʉkwananakɔmʉ kʉkyananaka ɓwanɨ. Ndʉ mombi mʉngana ati ʉndɛnʉ akʉnda kuɓio mombi ɔɔ ʉja, uɓio mombi ngia aakyananakɨa ɓangɛ kʉ ɓuɓomu.

Maninu kusigio tʉkʉ kingono ɓɔ, mombi ngia ambʉkʉjananɨa Ɓʉngama ɓʉ Asʉɓɨɨ ngbanga ndʉ mwana ɔɔ ɗɛkɛkɛ, ambukukumunio sina amati ɔngɔ gʉkʉ ɗɛkɛkɛ. »

Ɓombi ɓaja ngiɓa ɓa apɛɛ, ɓaɓio sina tiga ambise, nʉ ɓiga ngiɓa ɓa ambise, ɓaɓio sina tiga apɛɛ. »

Ɨkyɛmɨngana, akʉ ʉkpanganɨa, ati ngia Asʉɓɨɨ a꞉kyɨa‑ɔɔ kumbo kʉ ʉɓomu, a꞉kyɨa ɔɔ gue nʉ moi. Aka ekoo moni ngikʉnanɨ, gue a꞊ʉngwa ɔɔ ɨsɛ nʉ inye, ɓambujunukio nʉ moi angɔ, kija ɛɓɔ ɓapɨnɨ ɓambukuɓio tii ɓata ɓombi ɓapɨnɨ, ɨkyɛmɨngana ɓa tii tʉkʉ ndʉtʉ mɨngana.