Popular Bible Verses from Juan 19

Share

ꞌAmicëx ca Jesús vino cachacë ꞌatancëx, —ꞌën ꞌati ñu cana cëñuan —qui tëtúbutishi bamacëxa.

Usa ꞌain ca Jesus, ꞌën ꞌati ñucama cana cëñua quixun ꞌunani Nucën Papa Diosan bana cuënëo quicësabi oi, —cana shimain —quiacëxa.

Usa ꞌain ca Jesusan aín tita a ꞌuramanua isanan aín ꞌunánmicë uni achúshi aira nuibacë a, a rapasunua isquin cacëxa: —Titan, ax ca min tuá ꞌiti ꞌicën. Canan ca aín ꞌunánmicë uni aribi cacëxa: —Ca is, ax ca min tita ꞌiti ꞌicë —quixun. Usoquian Jesusan cacësabi oquin ca an María aín xubunu ꞌinun buáncëxa.

Usobëtsini Jesúsribi ꞌai uxunbi ca asérabi bamacë isquin ꞌama ꞌicën. ꞌAiamabi ca suntáru achúshinëinshi aín pichánpuru amoshi manë xëtocën chachiacëxa. Usocëx ca imi ꞌunpáxbë mëscúcë ꞌibúacëxa.

Nucën Papa Diosan bana cuënëosabi oi ca ënë ñucama ꞌiacëxa. Ax ca ësai quia: “Aín xo achúshibi ca tëcë́ntima ꞌicën”. A bana quicësabi oquin ca uínbi aín xo achúshibi tëcë́anma ꞌicën. Ësairibi ca cuënëo bana quia: “Tarotancëxun ca an ꞌacëcaman isti ꞌicën”.

Buáncëxun ca Jesusan abi anua matáscanti i curúsocë ꞌiábianquin Calvario cacë matá, hebreo banan Gólgota cacë, anu buáncëxa.

Cacëxun rishquitancëxun ca ꞌapu isa quiax ami cuaiquin suntárunën muxa mañuti otancëxun mañumianan upí chupa minanën pucucësa aribi pañumiacëxa.