Popular Bible Verses from Lucas 17

Share

Usai quitancëxun ca Jesusan Samarianu ꞌicë uni cacëxa: —ꞌËn mi pëxcuti sinani ꞌëmi catamëti camina pëxcúan. Niruquiani ca cuantan.

Achúshi nëtën, mëcën achúshi ꞌimainun rabë́ oi, mimi ꞌuchatancëxbi minu cuanxuan —cana mimi ꞌuchatëcënima —quixun a unin cacëxun camina abë mëníonanquin a manumiti ꞌain.

Usaquian pëxcucë isi cuëënquin ca acama achúshinën Jesúsnu cuantëcënquin Nucën Papa Dios munuma banaquin rabiacëxa. Rabiquin ca a tanáin rantin puruni tsóbuti bëúnpucuquin —ca asábi ꞌicë —quixun Jesús cacëxa. An usoquin cacë uni ax ca Samarianu ꞌicë uni ꞌiacëxa.

Usaquin uni ꞌuchamiti rabanan camina bërúancati ꞌain. Axa mix ꞌicësaribiti Nucën Papa Diosmi sináncë uníxa mimi ꞌuchaia camina —ësai camina ꞌëmi ꞌucha —quixun caquin sinanamiti ꞌain. Usocëxa sinanatia camina mimia ꞌuchacë a abë mëníonanquin manumiti ꞌain.

Usaquin isi ca Jesús quiacëxa: —Mëcën rabë́ unicama cana pëxcüan. ¿Acama achúshinëxëshia —asábi ca —quixun ꞌë cai uánbi cara uinu raíri ꞌic?

Cacëxun ca Jesusan cacëxa: —Mostaza bëru ax ca chamaratsu ꞌicën. Asaribi ꞌaish ꞌitsamaratsushi Nucën Papa Diosmi sináncë ꞌixun, ënë ñu cana ꞌatima ꞌai quixun sináncëbëtanbi ca mitsúnmi a ñucácëxun mitsu ꞌaxunti ꞌicën. Mitsux ami ꞌitsamashi catamëcë ꞌixunbimi ënë i, ënuax ca ëchiquit, parunpapanu ca tacut, cacëx ca usai ꞌiti ꞌicën.

Uix cara aín cuëëncësa oquin ꞌai ënë nëtënu upitax tsótishi sinania ax ca Nucën Papa Diosnan ꞌitima ꞌicën. Usa ꞌaínbi ca uinu ꞌicë unin cara ënë nëtënushi upitax tsóti sinánquinma ꞌëx quicësabi oquin ꞌaia ax ainan ꞌaish Nucën Papa Diosan nëtënu abë ꞌiti ꞌicën.

Jesusan ca aín ꞌunánmicë unicama cacëxa: —Camabi nëtënu ca an uni itsi ꞌatima ñu ꞌanun quixun sinánmicë uni ꞌiti ꞌicën. Usa ꞌaínbi ca an sinánmiquin bëtsi uni ꞌatima ñu ꞌamicë, ax ꞌuchañuira ꞌaish ꞌaisamaira oquin castícancë ꞌiti ꞌicën. An ꞌënan ꞌaíshbia ꞌëmi cushiiracëma pain ꞌicën, a uni ꞌuchamicë uni ax ca ꞌuchañuira ꞌicën. A unix ca anun ñu rënti maxax ami tëtëcërëcatancëxuan parúnpapa nëbë́tsi nicë́xa nanë́cësamaira oi ꞌatimaira ocë ꞌiti ꞌicën.

Bëráma Noé ꞌiá nëtë usaribiti ca uni ꞌinux Nucën Papa Diosnuax uá ꞌaish, ꞌëx utëcënti nëtën ꞌiti ꞌicën. Anúan aín nuntinu ꞌiruti nëtë utámainun Noénën anun ië́ti nunti cha ꞌamainun ca unicaman pianan xëanan xanu bianan aín bëchicë bënumianan an ꞌacësabi oquin cuëënquin ñu ꞌacëxa. Usaquian ꞌamainun anúan Noé aín nuntinu ꞌiruti nëtë sënë́ncëbë ca ꞌaisamaira ꞌuí ꞌibúcëbë, baca ꞌaisamaira ꞌëi nuntaruquin ñucamacëñunbi unicama cëñuacëxa.