Popular Bible Verses from Yoáni 10

Share

Nkukuɓa a tɔ obika nɛkɛ k'aphe á uɓa, mowa na túkatúka. Nebiki gǎkɛ gea, ɓakpa ɓáɓɛ na enda, enda kau áɓɛ mɔɛndá.

Eme, nende mɓondigi anjánjá. Mɓondigi anjánjá aɔtɔka ɓeekea kukuwa ka amisa á ɓamɔgɔgɔ nɛkɛ ka kukuwa.

Ɓamɔgɔgɔ nɛmɔ ɓáɔɔ́ka ɛsɔ ani. Eme, néǒɓúba, ɓáomoɓea.

Néǒɓopha enda á mɛyɔ, ɓákáɓúngɛeka tanda. Nkpa nnaɔtɔka n'aɛkpɔi ka njaga ani.

Eme aámbé nende kǐo. Aoɓá nkpa n'angí k'éme, aamande ka měma. Angiande, â phɔtɔ ojuana, atɔande eea.

Eme, nende mɓondigi anjánjá, neǒɓúba ɓamɔgɔgɔ nɛmɔ. Ɓɔ, ɓâ phɔtɔ omoúba.

Abɛ, mmbé amopi ɓamɔgɔgɔ ndɔ, aangbóngbó kɔnyɛ́nya kema bui. Nna na nkpa nde aɔtɔka n'akpɔi kema ka njaga akɛ. Abɛ n'eme, ɓe tɔ nkpa mo.»

A tɔ ɓíndɔ Abɛ amoúbi, eme, nê phɔtɔ omúba Abɛ. Cɔ, neɓeeki kukuwa ka nyɔngɔ á ɓamɔgɔgɔ nɛmɔ.

Nna na nkpa nde aomoúta enda, eme sasani tɔndɔ aámbé neoɗeketa ú. Nga, nena ɓukpɛkpɛ á phúia í, ne phɔtɔ na ɓukpɛkpɛ á ɓoá í goto. Nndɔ ungɔ Abɛ amososi.»

Kaɓondɔ, Yéso â goto ǒngoɗea: «Nenóngoɗi ɗoni gea, nende kǐo á ɓɔgaɔ á ɓamɔgɔgɔ.

Nkpa nde aɔbɛɗaneaga ophendɔ, mmbɔ nna mɓondigi, nna gǎkɛ mɛna-ɓamɔgɔgɔ. Mbenɔ nde áɔmɔna nyama akae ɓea mabianga n'abiki, áotea, áǒɗeketa ɓamɔgɔgɔ. Mpɔ, nyama ndɔ áǒgoaga ɓamɔgɔgɔ, na phanja aɓɔ.

Cɔ, Yéso áogea: «Nenóngoɗi ɗoni. Mmbé nnaongia ka kǐo á ɓogaɔ á ɓamɔgɔgɔ, â ndiu oɗapha ɔma nɛngbo, mmbɔ ande nkukuɓa, phɔtɔ n'yóyombi.