Popular Bible Verses from लूका 4

Share

परमेश्वरके आत्मा हमर उप्परमे छै, कहिनेकी गरिबसिके खुश-खबरी सुनाबैके लिए परमेश्वर हमरा नियुक्त कैल्कै छे। हमरा बन्दीसिके शैतानसे आजाद करैके लिए, अनराहसिके दृष्टि दियैके लिए आर सभेको जे दब्ल-कुचल्ल छै, ओकरासिके आजाद करैके लिए भेज्ल गेलै छे, आर यी बताबैके लिए कि परमेश्वरके कृपा देखाबैके समय आबी गेलै छे।

येशू ओकरा जबाब देल्कै, “धरमशास्त्रमे एरं लिख्ल छै: ‘तुहें प्रभु परमेश्वरके आगुमे झुकिके आराधना करिहैं; आर ओकरे खाली सेवा करिहैं।’ ”

येशू ओकरा जबाब देल्कै, “धरमशास्त्रमे लिख्ल छै, ‘आदमी खाली रोटीसे ही जिन्दा नैरहैछै।’ ”

येशू पवित्र आत्मासे परिपूर्ण भ्याके यर्दन लद्दीसे वापस ऐलै, आर पवित्र आत्मा ओकरा सुनसान जगहमे ल्यागेलै।

येशू ओकरा जबाब देल्कै, “धरमशास्त्रमे एरं लिख्ल छै, ‘तोरा आपन परमेश्वरसे यी साबित करवाबैके कोशिश नैकरना चाही कि ऊ आपन वादा पुरा कर्तै।’ ”

शैतान येशूके यी सभे किसिम परीक्षा करिके अनुकूल समय नै मिलै तक कुछु समयके लिए ओकरा छोडिके चल गेलै।

तकरबाद शैतान येशूके एकटा बडका पहाडमे लज्याके एक्के पलमे ओकरा संसारके सभे राज्यसब देखैल्कै। आर शैतान येशूके कहैल्कै, “हमे तोरा यी सभे राज्यके राजा आर एकर शान-शौकतके मालिक बनाबे सकैछियै कहिनेकी यी सभेटा हमर हातमे छै आर हमर चहेल आदमीके यी दिये सकैछियै। तुहें हमर आगुमे झुकिके आराधना कर्भ ते यी सभे तोर हैतहौं।” येशू ओकरा जबाब देल्कै, “धरमशास्त्रमे एरं लिख्ल छै: ‘तुहें प्रभु परमेश्वरके आगुमे झुकिके आराधना करिहैं; आर ओकरे खाली सेवा करिहैं।’ ”

तब ऊ ओकरा यरूशलेम सहरके परमेश्वरके मन्दिरके उच्च जगहमे लज्याके खडा करैल्कै, आर ओकरा कहैल्कै “तुहें परमेश्वरके बेटा छह ते एत्तेसे निच्चा फानिके साबित कर, कि तोरा चोट नैलाघौं, कहिनेकी धरमशास्त्रमे यी लिख्ल छै: ‘परमेश्वर तोरा बचाबैके लिए आपन स्वर्गदूतसिके आज्ञा देथौं, आर तोर पैरीमे पत्थल ल्याके चोट नैलागै कहिके ऊसब तोरा लोकी लेथौं।’ ” येशू ओकरा जबाब देल्कै, “धरमशास्त्रमे एरं लिख्ल छै, ‘तोरा आपन परमेश्वरसे यी साबित करवाबैके कोशिश नैकरना चाही कि ऊ आपन वादा पुरा कर्तै।’ ”