Popular Bible Verses from Ioane 15

Share

Kaka uina, uaua gaire tam: Abele le kara nerkep ge emri, a kaka muige abi nerkep, E dali ko au turum: abelelem uaba umer kak nerute lu ikeli ese kaka muriz ge.

Uaba bameri kara nerkep ge, a kaka uabi nerkep ge emri. Mokakalam tam nole umer kak tababu turum, ese nole ekpi uina ge; a mokakalam uaba nole umer kak, ese nole kara nerkep ge bameri.

Ese uaba kara nerkep ge bameri, a kara mer uabi nerkep ge tarageri, ua ko damsare gaire lu uaba lagelag, ueakai ikeli uabim.

Uaba nole kari natarare, epe kaka uabi ditararda, a uabi depegereda, ueakai ua bakuare turum turum, a uaba turum niaiem tekue: ueakai Baba de ua dekuarare gaire lu uridili ua abi damsare kari neilam.

Ese nerute le abara eded ikuar taba boai bodomalam, nole nerute le la omare aule tumem ike.

E ko ismi gaire tam kari dog nole turum kak: a gaire tam turum turum E ko paret, ueakai au turum.

Kara gelar peik, kega, Uaba ko omare uabu, mokakalam kaka uabi omare.

Babim despereda, ese uaba au turum turum; iauaekai uaba kara kaimeg giz.

Kaka uina kar, kara Aba uina paret le.

Ese nerute le nole kara nerkep ge emri, debele abi adem ismi mokakalam tam, ueakai uatuet: gaire le etkemet, a urem dikri, a urem.

Kaka emetu uabim detaut abele gaire mer, ueakai kara sererge niaiem tekue uabi nerkep ge, ueakai uaba sererge kemerkemer.

Ese uaba kara gelar irmili, uaba ko niaiem tekue kara omare ge: mokakalam kaka Baba ra gelar irmili, epe kaka niaiem tekue abi omare ge.

Kaka abele uabi mer tigri, iauaekai ua ko uabu omare.

Ese uaba geseplam, geseb ko lagelag abara boai: abelelam uaba nole geseplam, epe kaka uabi depegerare geseplam, abelelam geseb uabi derar.