Popular Bible Verses from Luka 12

Share

Abele lu ua derser: abelelam abele gerger ua nolea akiapor kak, Ade ra Uerem tabarki.

Debele ua mamoro deraimerare tabara baselaia, ueakai keubu gaire debe lu uaba nagri.

Ege E uiabi daratagerare, kega, Ua asesered uaba nolea geseb lu lag: abelelam nolea le eded geseb lulam.

Abelelam abele uteb ge pe uaba lu nagri, uaba nerkep pe ko kemem.

Nete uabielam umele ikeli dikiapor, au kale perper abara eded netat kubita?

Ege E uiabi daratagerare, tabara kaimeg giz, kega, Abelelam kaka uabi detagereda, kega, Uaba nole au kase dikiapor uaba eded, na leuer uaba eroare; gako uaba gem, na lu uaba ameare.

A uaba mus uridili emetu etag, abelelam uaba nolea geum, uaba aule gaire kebi ebur.

Uaba nolea geum kak kebi mamoe giz; abelelam uaba Aba E lagelag uabi ikuar abele baselaia.

Uaba dikiapor oreua, uiaba nolea saido dikri, a nolea saido itraker; a uiaba nolea uteb kak, a nolea saido meta kak; ege Ade de uiabi darasisiare: uaba au debele ebur giz!

Uaba nolea deraimerare, nalu ia eroare, nalu ia ereare; uaba nerkep nolea dikiapor gaire lu.

Ese Ade de ikeli mokakalam sumez am uali, abele gerger omeilu, iauaekai obatauered urem; nako au am uali uaba kebi oituli?

Abelelam nole lu ispilu, E natomertare: nole lu gumik, E natomertare.