Popular Bible Verses from Incwadi ka‐Yakobi 2

Share

Kwa njalo nokolo, xeshekweni lungenayo imisebenzi, lufile, lulodwa nje.

Ngokuba njengokuba umzimba ungenamoya ufile, kwa njalo ukolo lungenamisebenzi lufile nalo.

Kunceda nto nina, bazalwana bam! xeshekweni atshoyo umntu ukuti unalo ukolo, kodwa akanayo imisebenzi? ukolo olo lungamsindisa na?

Uyakolwa ukuba UTIXO umnye; uyalungisa; ziti zona idemoni zikolwe nazo, zingcangcazele noko.

Koko kuya kuti umntu: Wena unokolo, nam ndinemisebenzi: ndibonise ukolo lwako lungenamisebenzi yako, nam ndiya kubonisa wena ngemisebenzi yam ukolo lwam.

Ngokuba eya kuba nokugwetywa okungenabubele lowo ungenzanga ngobubele: kanti ububele buyavuyelela ukugweba.

Niyabona ngako ukuba umntu uyagwetyelwa ngemisebenzi, kungengokolo lodwa.

Uyabona ukuba ukolo lube lusebenza kunye nemisebenzi yake, nokuba ngayo imisebenzi ukolo lwake lwafezekiswa.