Popular Bible Verses from Ivangeli ka‐Maraki 4

Share

Waza wavuka wakalimela umoya, wati kulwandle: Tutu, yiti cwaka! Wadamba ke umoya, kwaza kwabako ukuzola okukulu. Wayesiti kubo: Yinina ukuba ninobugwala obungakanana? kunganina lento ningenalo ukolo?

Boyika ke ngokwoyika okululu, bati omnye kwomnye: Ngubanina kanti lo, eviwa nje nangumoya nalulwandle?

Waye yena ebesendaweni yasemva, elele pezu kwomqamelo: basuka bamvusa, bati kuye: Mfundisi! akukatali na kukuba sibuba?

Wayesiti kubo: Kulumkeni oko nikuvayo. Ukulinganisa enilinganisa ngako, kwolinganiselwa nina; kwakuya kuti kuni nivayo kwalekelwe ngakumbi.

Wayesiti: Bunjalo ubukumkani BUKATIXO, njengokungati umntu waposa imbewu emhlabeni, waza walala wavuka ubusuku nemini, yati imbewu yantsula yakula ngendawo angayaziyo.

Ukuba kuko onendlebe zokuva, makeve.