Popular Bible Verses from Jaratılıs 25

Share

Jaratqan Iye oǵan bılay dedi: «Seniń qursaǵıńda eki xalıq bar, Sennen eki túrli xalıq bólinip shıǵar, Biri ekinshisinen kúshlirek bolıp, Úlkeni kishkenesine baǵınıshlı bolar».

Ol Yaqıpqa: – Maǵan mına qızıl awqatıńnan ber, men ash bolıp turman, – dedi. Sol sebepli ol Edom dep te ataldı.

Ísaq hayalı ushın Jaratqan Iyege duwa etti, óytkeni hayalı perzentsiz edi. Jaratqan Iye Ísaqtıń duwasına juwap berdi hám Rebekka hámiledar boldı.

Esaw oǵan: – Ashtan óleyin dep turǵanımda, tuńǵıshlıqtan maǵan ne payda? – dedi. Yaqıp: – Dáslep maǵan ant ber! – dedi. Sonda Esaw Yaqıpqa ant berip, óz tuńǵıshlıǵın oǵan sattı.

Keyin onıń sıńarı tuwıldı. Ol Esawdıń tabanın qolı menen uslap shıqqan edi. Sonlıqtan onı Yaqıp dep atadı. Olar tuwılǵanda, Ísaq alpıs jasta edi.

Ísaq Esawdı jaqsı kóretuǵın edi, sebebi onıń awlap ákelgen ańlarınıń góshin jewdi unatatuǵın edi. Al Rebekka Yaqıptı jaqsı kóretuǵın edi.