Popular Bible Verses from Jaratılıs 37

Share

Bir kúni Yusup tús kórdi. Ol óz túsin ájaǵalarına aytıp bergende, olar Yusupti burınǵıdan da beter jek kórip qaldı.

Izrail Yusupti basqa barlıq ullarınan góre kóbirek jaqsı kórdi, óytkeni ol Izraildıń qartayǵan shaǵında kórgen ulı edi. Ákesi Yusupke naǵıslı shapan tikkizip berdi.

Yusuptiń ájaǵaları ákesiniń onı ózlerinen góre kóbirek jaqsı kóretuǵının bilgende, onı jek kórip qaldı hám endi onıń menen jıllı sóylese almaytuǵın boldı.

Keyin Yusup taǵı bir tús kórdi hám onı da ájaǵalarına aytıp berip bılay dedi: – Tıńlańlar, men jáne bir tús kórdim. Túsimde quyash, ay hám on bir juldız maǵan tájim etip atırǵan eken.

Ájaǵaları Yusupke qızǵanısh penen qarawdı dawam etti, biraq ákesi onıń sózlerin esinde saqlap qaldı.

Yusup ájaǵalarına: – Men kórgen túsimdi aytıp bereyin, tıńlańlar! Túsimde bizler atızda dástelerdi bawlap atırǵan ekenbiz. Birden meniń bawlaǵan bawım jerden kóterilip, tik turdı. Al sizlerdiń bawlarıńız meniń bawımdı dógereklep, oǵan tájim etti, – dedi.

Kelińler, onı óltirip, bir suw saqlanatuǵın shuqırǵa taslayıq. Sońınan onı jırtqısh haywan jep ketipti, dep aytamız. Sonda onıń kórgen túsleriniń ne bolatuǵının kóremiz! – dedi.

Midyanlı sawdagerler, yaǵnıy ismayıllılar sol jerden ótip baratırǵanda, ájaǵaları Yusupti shuqırdan shıǵarıp aldı da, onı sol sawdagerlerge jigirma shekel gúmiske satıp jiberdi. Olar Yusupti Mısırǵa alıp ketti.

Olar bir-birine: – Áne, tús kórgish kiyatır!

Ájaǵaları Yusupti uzaqtan kórdi hám ol ele qaslarına jetip kelmesten burın, onı óltiriwge til biriktire basladı.

Qan tókpeyik, onı usı shóldegi bir suw saqlanatuǵın shuqırǵa taslayıq, biraq ózine tiymeyik, – dedi. Onıń niyeti Yusupti qutqarıp, ákesine qaytarıw edi.