Popular Bible Verses from Jaratılıs 39

Share

Jaratqan Iye Yusup penen birge bolıp, onı tabıslı qıldı. Solay etip, Yusup mısırlı xojayınınıń úyinde jasadı.

Solay etip, Potifar óziniń pútkil mal-múlkin Yusuptiń ıqtıyarına tapsırıp, ózi jeytuǵın tamaǵınan basqa hesh nárse menen isi bolmadı. Yusup qáddi-qáwmeti kelisken, shıraylı jigit edi.

Ol qamaqxanadaǵı barlıq tutqınlardı Yusuptiń qaramaǵına tapsırdı. Ol jerdegi barlıq isler ushın Yusup juwapker boldı.

Ol Yusupti tutqınǵa alıp, patshanıń tutqınları qamalatuǵın qamaqxanaǵa taslattı. Biraq Yusup qamaqta bolǵanda da, Jaratqan Iye onıń menen birge bolıp, oǵan jaqsılıq isledi hám qamaqxana basshısına Yusupti unamlı etip kórsetti.

Aradan bir qansha waqıt ótkennen soń, Potifardıń hayalınıń Yusupke ıshqı ketip, oǵan: – Meniń menen jat, – dedi. Biraq Yusup qarsılıq kórsetip, xojayınınıń hayalına bılay dedi: – Mine, xojayınım úyindegi barlıq zatlardı meniń ıqtıyarıma tapsırıp, hesh bir iske aralaspaydı. Bul xojalıqta mennen biyligi kúshli adam joq. Ol sennen basqa hesh nárseni mennen ayamadı. Sebebi sen onıń hayalısań. Men qalayınsha bunday úlken qılmıs islep, Qudayǵa qarsı gúna qılaman?

Bir kúni Yusup óz islerin islew ushın úyge kirdi. Úyde xızmetshilerden hesh kim joq edi. Sonda Potifardıń hayalı Yusuptiń shapanınan uslap: – Meniń menen jat, – dedi. Biraq Yusup shapanın hayaldıń qolında qaldırıp, sırtqa qashıp shıqtı.