Popular Bible Verses from ยอน 10

Share

กึ​ตัอะ​อัอด​นึง​โลก​อะไน​เพือ​ซี​ออ์น​กวย​เบิน​ซีวิด ‍ ออ์น​อะไล​เบิน​ซีวิด​นาก็​ซมบูน​นาก็​ก็าก​อะเลอ ‍ ฮัก​นาก็​จะนอ์น​ตัอะ​อะกี ‍ อัน​ตัอะ​เพือ​ซี​ตวยะ​เพือ​ซี​ตรายฮ​เจอ​เพือ​ซี​ทำลาย​กวย ‍

"กึ​ปัน​กือ​พู​เลียง​แกะ​นาก็​จับ​อะเลอ ‍ พู​เลียง​แกะ​นาก็​จับ ‍ ซี​กรัว​แกะ​ก็าก​อะเลอ ‍ จน​ญอม​กะเจด​ตาง​แกะ​เตฮ​ออยะ ‍

พู​อะลาะ​นาก็​ปัน​แกะ​คอง​อังกอะ​ลึ​อะเลอ ‍ พู​กี​ซี​จือ​ซะเนียง​คอง​อังกอะ ‍ อังกอะ​ซี​ซะนิด​กับ​อะไล ‍ เจอ​อะไล​ก็​ซี​ปัอะ​ตะปูน​อังกอะ ‍

อังกอะ​ซี​ออ์น​อะไล​เบิน​ซีวิด​นิรัน ‍ อะไล​ซี​ตัอ​เบิน​โตด​กะเจด​นัง ‍ เจอ​ตัอ​เบิน​มะเลอ​พาตี​นาะ​นาก็​ซี​ปัน​ตำปอ์ล​อะไล​อะดิ​ตาฮ​อังกอะ ‍

กึ​ปัน​กือ​ปองโต ‍ พู​อะลาะ​นาก็​มูด​ตัอะ​ยาฮ​กึ​ก็​ซี​แว็ด​โตด​กะเจด ‍ อะไล​ซี​เบิน​มูด​เบิน​ลอฮ​ซำบาย ‍ เจอ​ก็​ซี​เบิน​อันจูอยะ​โฮม​บ็าดบาย​นาก็​เคียว​นาก็​ซมบูน ‍

"กึ​ปัน​กือ​พู​เลียง​แกะ​นาก็​จับ​อะเลอ ‍ กึ​ซะนิด​กับ​แกะ​คอง​กึ ‍ เจอ​แกะ​คอง​กึ​ก็​ซี​ซะนิด​กับ​กึ​เต ‍

อัมปูอ​คอง​อังกอะ​พู​นาก็​ออ์น​อะไล​ปัน​ซำ​แกะ​คอง​อังกอะ​อะไน ‍ นาว​ปัน​พู​นาก็​เบิน​ซิด​เบิน​อำนาด​อับ​กูอ​ญิ​กู​นาะ​กู​เนว ‍ ตัอ​เบิน​มะเลอ​พาตี​นาะ​ดัก ‍ นาก็​ซี​ปัน​ตำปอ์ล​แกะ​คอง​อังกอะ​อะกี ‍ อะดิ​ตาฮ​อัมปูอ​คอง​อังกอะ ‍  อังกอะ​กับ​อัมปูอ​คอง​อังกอะ​ก็​ซะนิด​นังนึ​ซำ​ปัน​มะนาะ​มะลำ​อะกี​ออยะ" ‍ อังกิ​พะเยซู​เวา​นึง​จุม​นาก็​อี​ด็าง​ปาย​อัน​ปัน​นีาว ‍

มะเฮะ​ซี​ซะนิด​นังนึ​ซำ​นาก็​กึ​ซะนิด​กับ​อัมปูอ ‍ เจอ​อัมปูอ​ก็​ซะนิด​กับ​กึ​อะกี​ออยะ ‍ เจอ​กึ​ก็​อะยอ์ะ​แกะ​คอง​กึ​อะเลอ ‍ จน​ซี​ญอม​กะเจด​ตาง ‍

ตัอ​เบิน​มะเลอ​นาก็​ซี​ปัน​เอด​ซีวิด​คอง​กึ​อะปัอะ ‍ ฮัก​กึ​เบิม​ปัน​พู​นาก็​ซี​ญอม​ซะลาะ​ออ์น​อะไล​เอด​ซีวิด​คอง​กึ​อะปัอะ ‍ ซิด​นาก็​ซี​ซะลาะ​ซีวิด​คอง​กึ ‍ ลือ​ซี​เอด​ซีวิด​อะกี​อะลับ​แอน ‍ ก็​อัอด​นึง​กึ ‍ ปัน​อัมปูอ​กึ​อะกี​ออยะ​นาก็​มูอบ​ซิด​อะไน​ออ์น​กึ" ‍

พะเยซู​เลิด​เวา​นึง​อะไล​แอน​ปาย ‍ "กึ​ซี​อะตัอง​อัมไป​ตะน็าง​เดอ ‍ กึ​ปัน​กือ​ปองโต​นึง​กูอะ​แกะ

พู​อะลาะ​นาก็​อะไล​จาง​ออ์น​กรัว​แกะ ‍ พู​กี​อัน​ตัอ​มีน​นะกะเจา​แกะ​อะกี ‍ ค็าน​อัน​โฮม​อะจอ​จะรึง​ตัอะ ‍ อัน​ก็​ซี​ตะลุฮ​ตาฮ​แกะ​อะกี​จน​ญิ ‍ อะจอ​จะรึงเลิด​ซี​เบิน​กุบ​จีา​แกะ​ซำบาย ‍ ซี​ตาะ​ออ์น​แกะ​ตะลุฮ​ละตาฮ​ละตายะ​ปัอะ​ญิ ‍

พะเยซู​เวา​นึง​อะไล​ปาย ‍ "กึ​ซี​อะตัอง​อัมไป​ตะน็าง​เดอ ‍ พู​อะลาะ​นาก็​ปัน​พู​เลียง​คอง​แกะ​ลึ​อะเลอ ‍ บัด​อัน​อี​มูด​กูอะ​แกะ ‍ อัน​ก็​ซี​มูด​ยาฮ​ปองโต ‍ ฮัก​ค็าน​เบิน​กวย​นาก็​ตวยะ​มูด​อะนา​กะนอฮ ‍ ลือ​ยาง​กรูอง​มูด ‍ ก็​ซะแดง​ปาย​อัน​ตอง​ปัน​โจน​ปัน​จะนอ์น​นาก็​อี​ตวยะ​อี​ทำลาย​แกะ​อะกี​ออยะ ‍