Popular Bible Verses from ยอน 7

Share

พู​อะลาะ​นาก็​เจือ​นึง​อังกอะ ‍ พู​กี​ซี​ปัน​กือ​นาก็​อัน​เวา​อะดอะ​นึง​คูอม​เวา​คอง​พูซาง​อะกี​ปาย ‍ 'ซี​เบิน​ดัอะ​นาก็​ตาะ​ออ์น​กวย​เบิน​ซีวิด​ฮอย​ลอฮ​ตี​มิด​ตี​มะฮัอม​คอง​พู​กี'" ‍ อังกิ​พะเยซู​เวา ‍

เจอ​ฮาไน​บัด​ตัอะ​มือ​นาก็​ซำคัน​กูอ​มู ‍ มือ​ซุดทาย​นาก็​อะไล​ซี​ซะลอง​ซวง​ซำคัน​อะกี​เจอ ‍ พะเยซู​เลิด​ตะยึง​อะซอฮ​นึง​วิฮาน​ซักซิด​อะกี ‍ เจอ​ก็​เวา​อะเบิล​อะเลอ​ปาย ‍ "พู​อะลาะ​นาก็​อะรีาง​งูอยะ​ดัอะ ‍ ออ์น​พู​กี​ตัอะ​เอด​นึง​อังกอะ​เดอ ‍

นาก็​พะเยซู​เวา​เรือง​ดัอะ​นาก็​ซี​ฮอย​ลอฮ​ตี​มิด​คอง​พู​นาก็​เจือ​นึง​อัน​อะไน ‍ พะเยซู​เวา​เรือง​วินญาน​บอ์ริซุด ‍ ฮัก​ซวง​ไน​วินญาน​บอ์ริซุด​นัง​ตุน​ตัอะ​อัอด​นึง​มิด​คอง​พู​นาก็​เจือ​นึง​พะเยซู​อัมปิน ‍ พอะ​ปาย​พูซาง​นัง​ตุน​ออ์น​พะเยซู​เบิน​เกียด​เบิน​ซะงาราซี​เต็ม​ญด​อัมปิน ‍

อัมไป​ซู​ติ​ซู​ตัดซิน​อังกอะ​เดอ ‍ ญูอน​เนว​นาก็​อัมไป​โฮม ‍ ลือ​ญูอน​กำกึด​คอง​อัมไป​เบิม ‍ ฮัก​ออ์น​อัมไป​ตัดซิน​ตาม​คูอม​จิง​คอง​พูซาง​อะกี​ออยะ" ‍ อังกิ​พะเยซู​เวา​นึง​กวย​นาก็​อัอด​นึง​วิฮาน​ซักซิด​มือ​กี ‍

พู​อะลาะ​นาก็​เวา​ตาม​กำกึด​คอง​อัน​เบิม ‍ พู​กี​ก็​ซี​อันจูอยะ​เกียด​จอ์ะ​ตอ์​คอง​อัน​เบิม​ซัง ‍ ฮัก​พู​อะลาะ​นาก็​ตัอ​กึด​อี​อันจูอยะ​เกียด​จอ์ะ​ตอ์​คอง​อัน​เบิม ‍ ฮัก​อี​อันจูอยะ​เกียด​ออ์น​พู​นาก็​แตง​ออ์น​อัน​ตัอะ​อะกี ‍ พู​กี​ก็​ซี​เวา​มัง​คูอม​จิง ‍ คูอม​เวา​คอง​อัน​ซี​กลับ​ญิ ‍ เจอ​พู​กี​ซี​ตัอ​เบิน​บอน​ติ​ไง ‍

พะเยซู​ด็าง​ปาย​อะไล​งึด​นึง​อัน​แบบ​ไน ‍ อัน​เลิด​เวา​นึง​อะไล​ปาย ‍ "นาก็​อังกอะ​เวา​อะไน ‍ อังกอะ​ตุน​เวา​ตาม​กำกึด​คอง​อังกอะ​เบิม​ดัก ‍ ฮัก​อังกอะ​เวา​ตาม​กำกึด​คอง​พู​นาก็​แตง​ออ์น​อังกอะ​ตัอะ ‍

กวย​นึง​โลก​อะไน​อะไล​ซี​ตุน​ซะอิฮ​อัมไป​ดัก ‍ ฮัก​อะไล​ซะอิฮ​กึ​พอะ​ปาย​กึ​เวา​ตะน็าง​กับ​อะไล ‍ กึ​อะตัอง​ซัดเจน​ปาย​เนว​นาก็​อะไล​ม็าก​ตาะ​อะกี ‍ อัน​ปัน​เนว​นาก็​โลยฮ​นาก็​ไล ‍