Popular Bible Verses from Genesi 15

Share

Abraʌ̃ba Ãcõrẽra wãrãda ĩjãsia. Maʌ̃ carea Ãcõrẽba idjira jipa unusia.

Mãwãnacarea Abraʌ̃ba cãĩmocara quĩrãca Ãcõrẽba idjía nãwã bed̶eabʌrʌda unusia: –Abraʌ̃, wayarãdua. Mʌ̃ra bʌ wagabaria. Mʌ̃a bʌra aud̶uara ne bara b̶ʌya.

Maʌ̃be dajadaa edeped̶a Ãcõrẽba jarasia: –Bajãnaa acʌdua, maʌ̃be chĩdauda jũma poya juachaibʌrʌ, juachadua. Jãʌ̃ chĩdau zocãrã b̶ʌ quĩrãca bʌd̶eba yõbʌdarã sid̶a zocãrã duanania.

Maʌ̃ne Ãcõrẽba Abraʌ̃a jarasia: –Eliezeba bʌa erob̶ʌra edaẽ́a, ãtebʌrʌ bʌ warra araba edaya.

Mãwã b̶ʌd̶e Ãcõrẽba Abraʌ̃a jarasia: –Bʌra drõã b̶ed̶acarea necai waraga jaid̶aped̶a tʌb̶arid̶ia. Baribʌrʌ cawa b̶adua bʌd̶eba yõi purura djãrã druad̶e b̶aida. Maʌ̃ druad̶ebemarãba ãdjirãra nezocarãda b̶ʌd̶aped̶a cuatrociento poa bia mĩga eropanania. Baribʌrʌ ãdjirã biẽ́ o panʌra mʌ̃a biẽ́ b̶ʌya. Maʌ̃be bʌd̶eba yõi purura mamaʌba ne bara ẽdrʌya.

Maʌ̃ne Abraʌ̃ba jarasia: –Ay, Ãcõrẽ, ¿cãrẽ cãrẽã mʌ̃ra ne bara b̶ʌi? Mʌ̃ra warra sid̶a neẽ́ b̶ʌa. Mʌ̃ beud̶acarea mʌ̃a erob̶ʌra mʌ̃ nezoca Elieze Damasco purud̶ebemaba jũma edaya.

Ara maʌ̃ba Ãcõrẽba Abraʌ̃ ume nãwã bed̶ea b̶ʌsia: –Wãrãda mʌ̃a bʌd̶eba yõi purua naʌ̃gʌ ẽjũãra diaya Egipto quĩrãpe b̶ʌ dod̶eba ab̶a do waib̶ʌa Euprate abadad̶aa.

Maʌ̃ cuatrociento poa bad̶acarea bʌd̶eba yõi purura namaa jẽda zeya. Maʌ̃ ewarid̶e mʌ̃a amorreorã naʌ̃ ẽjũãne duanʌra cawa oped̶a naʌ̃ ẽjũãra bʌd̶eba yõi purua diaya. Bʌ zocai b̶ʌ ewarid̶e mʌ̃a ãdjirãra cawa oẽ́a ãdjia cadjirua od̶ida panʌra wad̶i jũma od̶aẽ́ panʌ bẽrã.