Popular Bible Verses from લુક.ની સુવાર્તા 12

Share

પેન તુમુહુ માઅ ફાચો આવુલો ખાતુર તીયાર રેજા, કાહાકા આંય, માંહા પોયરો એહેડા સમયુલે હોરગામેને આવેહે, જો તુમુહુ માંહા પોયરા આવુલો વિચાર બી નાય કી રીયે વેરી.”

પેન તુમા જીવનુમે પરમેહેરુ રાજ્યાલે અનુભવ કેરા, તાંહા તે વસ્તુ તુમનેહે મીલી જાંય.

ફાચે ઇસુહુ તીયાહાને આખ્યો, “સાવધાન રેજા, આને દરેક જાતિ લોભુકી પોતાલે વાચવી રાખા; કાહાકા કેડા બી જીવન તીયા માલ-મિલકત એકઠી કેરા કી નાહ ચાલતો.”

કાહાકા જીહી તુમા માલ-મિલકત હાય, તીહીજ તુમા મન લાગી રી.

તુમામેને એહેડો કેડો હાય, જો પોતે જીવનુ વિશે ચિંતા કીને પોતે જીવન વાદાવી સેકેહે?

ફાચે ઇસુહુ તીયા ચેલાહાને આખ્યો, “ઈયા ખાતુર આંય તુમનેહે આખુહુ, કા પોતા જીવનુ ચિંતા નાય કેરુલો, કા આમુહુ કાય ખાહુ, આને તેહકીજ પોતા શરીરુ ચિંતા બી નાય કેરુલો, કા આમુહુ કાય પોવુહુ.”

આને તુમા મુનકામેને બાદે ચોટયે પરમેહેરુહુ ગોંલે હાય, ઈયા ખાતુર બીયાહા માઅ, તુમુહુ બાદા ચીળા કેતા બી ખુબ કિંમતી હાય.

તુમુહુ ઘેટાંહા હાના ટોલા હોચે હાય, ઈયા ખાતુર કેલ્લી બી ગોઠી વિશે બીયાહા માઅ; કાહાકા તુમા પરમેહેરુ બાહકાલે ઇ પસંદ હાય, કા તુમનેહે રાજ્યો દે.

કાગળાહા વિચાર કેરા, તે નાહ બીયારો પોતા, નાહ વાડતે; તે નાહ મોલીને કોઠીમે થોવતે; તેબી પરમેહેર તીયાહાને ખાંઅ પુરો પાળેહે, કાહાકા તુમુહુ ચીળા કેતા બી કિંમતી હાય.

“આને તુમુહુ ઈયુ ગોઠી ચિંતા માઅ કેહા કા આમુહુ કાય ખાંહુ, આને કાય પીયુહુ, આને તુમા મનુમે શક માઅ કેહા.”

ઈયા ખાતુર કાદાચ પરમેહેર મેદાનુમેર્યા ચારાલે જો આજ હાય, આને હાકાલ આગીમે બાલી ટાકાય, એહેડો પોવાવેહે; તા ઓ ઓછા વિશ્વાસી લોકુહુ, તા તોઅ તુમનેહે વાદારે હારી રીતે કાહા નાય પોવાવે.

દોબાવી રાખલી દરેક ગોઠ ખુલ્લી વી જાય; આને દરેક ભેદ જાહેર વી જાય.