Popular Bible Verses from लूका 6

Share

देआ तेबा तमा वे भी दिणा। लोका पूरा नापी करे होर दबाई करे होर हिलाई करे भरी करे थारी कुम्डी पाऊणा, किबेकी जासु नापे संघे तमे नापा, तेता संघे तमा वे नापणा।

शोभलअ मणश आपणे शोभले भण्डारा का शोभली गला काढ़ा, होर माडे मणशा रे मुहा का माडी ग्ल्ला निख्ल्दा; किबेकी जोह मने भरुदा साहा सह तेऊरे मुहा का निख्ला।

पर आपणे बईरी संघे भी प्रेम डाहा होर भलाई करा होर ओरी फिरणे री आशा नाइ डाही करे उधार देया; होर तमा वे बडअ फ़ल हुणअ, होर तमे परमप्रधान रे शोहरू रहणे, किबेकी सह त्यावे जोह धन्यवाद नांई करदे होर बुरे पैंदे भी कृपालु आसा।

जेड़अ थारअ स्वर्गीय बापू दयावान साहा, तेहडे तमे भी दयावान बनो।

दोष नांई ला, तेबा तमा पैंदे भी दोष लाऊणा। दोषी नांई बणा, तेबा तमे भी दोषी बणने। क्षमा करा, तेबा तमें भी क्षमा करने।

पर हाऊं तमा शुणने आले का बोला की आपणे बईरी संघे प्रेम डाहा; जोह तमा का दुश्मणी डाहदा, तेऊरा भला करा। जोह तमा वे श्राप दे, तेऊवे आशीष दे; जोह थारी बेइजती करे, त्यावे प्रार्थना करा।

दूजे रे प्रति जेड़ा व्यवहार चाहन्दा की तमे भी त्याह तेडहा ही बर्ताप करा

जोह तेरे एकी ग्लोटे में थप्पड़ बाहे तेऊ फेरा बे दूजे भी फेर। जोह तेरे कुरते निणा चाहदा, तेबा तेऊबै चादर भी निणे दे। जोह कुण ताहका मांगे, तेता दे; होर जोह तेरी चिजा छडीयाई निये, तेता नांई मांग।

“कोहे रांबड़अ वूट नांई जोह माड़अ फ़ल आण, न कोह माडअ बूटअ साहा जोह रांबडअ फ़ल आणा।

हर एक बूटअ तेऊरे फला का पछेणा, किवेकि लोका ना झाख्डा का अंजीर नांई काडदे होर नाह कि ऊंटकटारा का अंगूरा रे गुछे बानडदे ।