Popular Bible Verses from यूहन्ना 14

Share

मै तुहुरिन्के थेन शान्ति छोरके जाइतुँ। और यी ओसिन शान्ति नै हो, जोन संसार देहत। तुहुरिन्के मन ना घब्राए और ना डराए।

येशू उहिहे कलाँ, “डगर, सच्चाई और जीवन महिँए हुइतुँ। मोरिक ओहोँरसे बाहेक केऊ फेन बाबक थेन आई नै सेकी।

येशू कलाँ, “तुहुरिन्के मन ना घब्राए। तुहुरे परमेश्वरके उप्पर विश्वास करथो, मोरिकमे फेन विश्वास करो।

पर सहायक या पवित्र आत्मा, जिहिहे बाबा मोरिक अधिकार देके पठाई। ऊ तुहुरिन्हे सक्कु बात सिखाई, और उ तुहुरिन्हे मोरिक कलक सक्कु बात याद करवाई।

महिन्हे प्रेम करुइया वहे हो, जे मोरिक आज्ञाहे जानत और पालन करत। और महिन्हे प्रेम करुइयाहे मोरिक बाबा प्रेम करत। और उहिहे मोरिक बाबा फेन प्रेम करी, और मै फेन उहिहे प्रेम करम, और मै अपनहे ओकरमे देखा परैम।”

और मै बाबाहे बिन्ती करम, और ऊ तुहुरिन्के लग एकथो औरे सहायक पठादी, और ऊ तुहुरिन्के संग सदामान पलिरही। यी उ आत्मा हो, जे परमेश्वरके बारेमे सच्चाइहे देखाइत, जिहिहे संसार स्वीकारे नै सेकत। काकरेकी संसार उहिहे ना ते देखत, ना चिन्हत। तुहुरे उहिहे चिहिन्थो, काकरेकी ऊ तुहुरिन्के संग रहत, और ऊ तुहुरिन्केमे सदामान पलिरही।

तुहुरे मोरिक नाउँमे ज्या मंग्लेसे फेन छावक माध्यमसे बाबक महिमा होए कहिके मै उ करदेहम। तुहुरे मोरिक नाउँमे कौनो चिज मंग्बो कलेसे मै उहिहे पूरा करदेहम।”

येशू कलाँ, “तुहुरे महिन्हे प्रेम करथो कलेसे मोरिक आज्ञनहे पालन करबो।

मोरिक बाबक घरेम रना ठाउँ बहुत्ते बा। यदि ओसिक नै रहत कलेसे, मै तुहुरिन्हे नै कतुँ, कि तुहुरिन्के लग ठाउँ तयार पारे जाइतुँ।

तब् जाके मै तुहुरिन्के लग ठाउँ तयार पारके सेकके मै फेनदोस्रे अइम। और तुहुरिन्हे मोरिक संग रहक लग लैजिम, और मै जहाँ बतुँ, वहाँ तुहुरे फेन रबो।

थोमा येशूहे कहल, “हे प्रभु, अप्नि कहाँ जाइती, हम्रे नै जन्थी, तब् हम्रे डगर कसिके जानब?”