Popular Bible Verses from ମାତ୍ତିଉ 10

Share

“ନେଲେପେ, ଇଙ୍ଗ୍ ଆପେକେ ମିଣ୍ଡୀ କୋ ଲେକା ହୁଣ୍ଡାର୍ କୋ ଲେକାନ୍ ହୋଡ଼ୋକୋ ଥାଲା ରେ କୁଲ୍‍ପେ ତାନାଇଙ୍ଗ୍, ଏନାଲାଗିନ୍ ବିଷ୍ ରାକାବ୍ ବିଙ୍ଗ୍ କୋଏତେ ବୁଦ୍ଧିମାନ୍ ହୋଡ଼ ଗେନାଃୱାଏ ଏନ୍‍ଲେକା ଏନ୍ ହୋଡ଼ୋକୋୱାଃ ତେ ଗେନା ରେ ତାଇନ୍‍ପେ ହାର୍ ଦୁଦ୍‍ମୁଲ୍ ଲେକା ନିର୍ଦୋଷ୍ ବାଇନ୍‍ପେ।

ଅକଏ ଆଜାଃ ଜୀଉ କେ ବାଚାଓ ତାନାଏ ଇନିଃ ଏନାକେ ଆଦେୟାଏ, ହାର୍ ଅକଏ ଇଙ୍ଗ୍ଆଃ ଲାଗିନ୍ ଆଜାଃ ଜୀଉ କେ ଆଦେୟାଏ ଇନିଃ ଏନାକେ ନାମେୟାଏ।”

ଅକଏକୋ ହୋଡ଼ମୋ କେ ଗୋଜେୟାକୋ, ମେନ୍ଦୋ ଆତ୍ମା କେ କାକୋ ଗୋଏଃ ଧାଡ଼ିୟା, ଇନ୍‍କୁକେ ଆଲୋପେ ବୋରୋୱାକୋୱା, ମେନ୍ଦୋ ପାର୍ମେଶ୍ଵାର୍ କେ ବୋରୋୱାଇପେ, ଅକନିଃ ଆତ୍ମା ହାର୍ ହୋଡ଼ମୋ ବାରାନାଃ କେ ନାରାକ୍ ରେ ନାଷ୍ଟ୍ ରିକା ଧାଡ଼ିୟାଏ।

ଅକଏ ଆଜାଃ କ୍ରୁଶ୍ ଇଦିକେତେ ଇଙ୍ଗ୍‍କେ ଅତୋଙ୍ଗିଙ୍ଗ୍ କାଏ ସାନାଙ୍ଗାଏ ଇନିଃ ଇଙ୍ଗ୍ଆଃ ଚେଲା ବାଇୟୋଃ ଲେକାନିଃ ନାହାଲାଏ।

“ଏନାମେନ୍ତେ ଜେତାଏ ହ ହୋଡ଼ୋକୋୱାଃ ନାଡ଼େଏ ରେ ଇଙ୍ଗ୍‍କେ ମାନାତିଙ୍ଗ୍ କେୟାକୋ ଚି ଇନ୍‍କୁ ଇଙ୍ଗ୍ଆଃ ଚେଲା ତାନ୍‍କୋ, ଇଙ୍ଗ୍ ହଗି ଇନ୍‍କୁକେ ଇଙ୍ଗ୍ଆଃ ସିର୍ମାଦିଶୁମ୍ ରେନ୍ ଆପୁ ରାଃ ନାଡ଼େଏ ରେ ଇଙ୍ଗ୍ଆଃ ଚେଲା ତାନ୍‍କୋ ମେନ୍ତେ ମାନାତିଙ୍ଗ୍ କେୟାଇଙ୍ଗ୍। ମେନ୍ଦୋ ଜେତାଏ ହ ହୋଡ଼ୋକୋୱାଃ ନାଡ଼େଏ ରେ ବୋରୋତେ ଇନିଜାଃ ଚେଲା ତାନିଙ୍ଗ୍ ମେନ୍ତେ ଇଙ୍ଗ୍‍କେ କାଏ ମାନାତିଙ୍ଗ୍‍ୟାଏ, ଇନିଃକେ ଇଙ୍ଗ୍ ହଗି ଇଙ୍ଗ୍ଆଃ ସିର୍ମାଦିଶୁମ୍ ରେନ୍ ଆପୁ ତାଃ ରେ ଇଙ୍ଗ୍ଆଃ ଚେଲା ନାହାଲାଏ ମେନ୍ତେ କାଜିୟାଇଙ୍ଗ୍।

ବେମାରୀ କୋକେ ଚାଙ୍ଗାଇ କପେ, ଗୋଜାକାନ୍ କୋକେ ଜୀହିଦ୍ କପେ, କୋଢ଼୍ ବେମାର୍ ହୋବାକାନ୍ କୋକେ ବେଶ୍ କପେ, ବୋଙ୍ଗାଆତ୍ମା କୋକେ ଅଡୋଙ୍ଗ୍ କପେ। ଆପେ ସାମାତେପେ ନାମାକାଦା, ସାମାତେ ଏମାକୋପେ।

ଏନାଲାଗିନ୍ ଆଲୋପେ ବୋରୋୟା, ଆପେ ଥିମ୍ବା ଗେର୍‍ୱାଁ କୋଏତେ ଗୋନୋଙ୍ଗାନ୍ ତାନ୍‍ପେ।”

ନେୟା ଆଲୋପେ ବୁଝାଅଃୱା ଚି ଇଙ୍ଗ୍ ଅତେ ରେ ହୋଡ଼ୋକୋକେ ମେନେଶା ରିକା ଲାଗିନ୍ତେ ହିଜୁଃ କାନାଇଙ୍ଗ୍, ମେନେଶା ଲାଗିନ୍ତେ କାହା, ମେନ୍ଦୋ ଆଲାଗ୍ ରିକା ଲାଗିନ୍ତେ ଇଙ୍ଗ୍ ହିଜୁଃ କାନାଇଙ୍ଗ୍।