Popular Bible Verses from ମାର୍କୁସ୍ 14

Share

ହାର୍ କାଜିକେଦାଏ, “ହେ ଆବା, ଆପୁ, ଆମାଃ ତେ ସବେନାଃ ହୋବା ଧାଡ଼ିୟୋଗା; ନେ ଦୁକୁ କେ ଇଙ୍ଗ୍ଆଃ ନାଡ଼େଏ ଏତେ ଆତୋମ୍ ତାମେ: ଏଣ୍ଡେରେ ଅଗି ଚିଲ୍‍କା ଇଙ୍ଗ୍ ସାନାଙ୍ଗ୍ ତାନାଇଙ୍ଗ୍ ଏନ୍‍ଲେକା କାହା ମେନ୍ଦୋ ଚିଲ୍‍କା ଆମ୍ ସାନାଙ୍ଗ୍ ତାନାମ୍ ଏନ୍‍ଲେକାଗି ହୋବାଅଃକା।”

ଏୟୋନ୍ କାନ୍‍ପେ ହାର୍ ବିନ୍ତି କାତେପେ ଚି ଆପେ ପାପ୍ ରିକା ଲାଗିନ୍ ହାୟା ରେ ଆଲୋପେ ଉୟୁଗୋୱା। ଆପେୟାଃ ମୋନ୍ ଦୋ ବୁଗିନାଃ ରିକା ଲାଗିନ୍ ସାନାଙ୍ଗ୍ ତାନାଏ, ମେନ୍ଦୋ ହୋଡ଼ମୋ ନାରାଦୁରା ଗିୟାଃ।”

ଇଙ୍ଗ୍ ଆପେକେ ସାର୍ତିଗୀ କାଜି ତାନିଙ୍ଗ୍, ସବେନ୍ ଦିଶୁମ୍ ରେ ଜାହାଁତାଃ ରେ ହଗି ସୁସାମାଚାର୍ ପାର୍ଚାର୍ ଅଗା, ଏନ୍ତାଃରେ ଇନିଜାଃ ନେ କାମି ରାଃ କାଜି ବିଷାୟ୍ ରେ କାଜିୟାକୋ, ହାର୍ ହୋଡ଼ୋକୋ ଇନିଃକେ ପାହୋମି ୟାକୋ”

ହାର୍ ଇନ୍‍କୁକେ କାଜିକେଦାଏ, “ଇଙ୍ଗ୍ଆଃ ମୋନ୍ ଥିମ୍ବାଗି ଦୁକୁ ରେ ମେନାଃ, ଇଙ୍ଗ୍ଆଃ ଜୀଉ ଅଡୋଙ୍ଗୋଃ ଲେକା ଆଟ୍‍କାରିଙ୍ଗ୍ ତାନା। ଆପେ ନେତାଃ ରେ ତାଇନ୍‍ପେ ହାର୍ ଏୟୋନ୍ ତାଇନ୍‍ପେ।”

ହାର୍ ଚିମ୍ତାଙ୍ଗ୍ ଇନ୍‍କୁ ଜୋମ୍ ତାଇନାକୋ ଦୋ ୟୀଶୁ ହୋଲୋଙ୍ଗ୍ ଇଦିକେଦାଏ, ହାର୍ ପାର୍ମେଶ୍ଵାର୍ କେ ଧାନ୍ୟାବାଦ୍ ଏମ୍‍କେଦାଏ, ଏନ୍ତେ ଏନାକେ କେଚାଃ କେଦାଏ, ହାର୍ ଚେଲାକୋକେ ଏମାଃ କୋୱାଏ, ହାର୍ କାଜିୟାଃକୋୱାଏ, “ଇଦିପେ ହାର୍ ଜୋମେ ପେ, ନେୟା ଇଙ୍ଗ୍ଆଃ ହୋଡ଼ମୋ ତାନାଃ।”

ଏନ୍ତେ ଇନିଃ ଗିଲାସ୍ କେ ଅକଣ୍ଡେ ଆଙ୍ଗୁର୍-ରାଶି ତାଇକେନା ଇଦିକେତେ ପାର୍ମେଶ୍ଵାର୍ କେ ଧାନ୍ୟାବାଦ୍ କେଦାଏ, ହାର୍ ଚେଲାକୋକେ ଏମାଃ କୋୱାଏ; ହାର୍ ସବେନ୍ କୋ ଏନାଏତେ ନୁ କେଦାକୋ। ହାର୍ ଇନିଃ ଇନ୍‍କୁକେ କାଜିକେଦାଏ, “ନେ ଆଙ୍ଗୁର୍-ରାଶି ଇଙ୍ଗ୍ଆଃ ମାୟୋମ୍ ତାନାଃ। ନେୟା ଥିମ୍ବାଗି ହୋଡ଼ୋକୋ ଲାଗିନ୍ ପାପ୍ ରାଃ ଦାଣେ ରାଃ ହୋରାତେ ଲିଙ୍ଗୀଅଃ ତାନା, ନେୟା ମାୟୋମ୍ ରାଃ ନାୱା ନିୟାମ୍‍ଥଲ୍ ପାର୍ମେଶ୍ଵାର୍ ଆଜାଃ ହୋଡ଼ୋକୋ ଲୋଃ ଥୋଲ୍ ତାନାଏ।

ଚିମ୍ତାଙ୍ଗ୍ ବୁରୁ ହୋରାତେ ଆକୋ ସେନ୍ ତାଇକେନାକୋ, ୟୀଶୁ ଇନ୍‍କୁକେ କାଜିକେଦାଏ, “ଆପେ ସବେନ୍ କୋ ଇଙ୍ଗ୍‍କେ ବାଗିଙ୍ଗ୍ ୟାପେ। ଚିୟାଃଚି ପାର୍ମେଶ୍ଵାର୍ ରାଃ ପୁଥି ରେ ଅଲାକାନା, ‘ଇଙ୍ଗ୍ ଇଙ୍ଗ୍ଆଃ ହୋଡ଼ୋକୋକେ ମିଣ୍ଡୀକୋ ଲେକା ଗୁପିତାନ୍ ନିଈକେ ଗୋଜିୟାଇଙ୍ଗ୍ ହାର୍ ହୋଡ଼ୋକୋ ମିଣ୍ଡୀକୋ ଲେକା ଛିତି-ଛାନ୍ କେନୋଗାକୋ।’

ବିରିଃପେ! ଦୋଲା! ନେଲିପେ, ଇଙ୍ଗ୍‍କେ ସାସାବ୍ ଲାଗିନ୍ ଦେଙ୍ଗା ଏମେ ନିଈ ନାଡ଼େଏ ହିଜୁଃ ସେଟେର୍ କାନାଏ।”

ୟୀଶୁ ପାତ୍ରାସ୍ କେ କାଜିକେଦାଏ, “ଇଙ୍ଗ୍ ଆମ୍‍କେ ସାର୍ତିଗୀ କାଜିମେ ତାନିଙ୍ଗ୍, ଚି ଇସିଙ୍ଗ୍ ଗି ନେ ନିଦା ରେ ସିମ୍‍କୋ ବାର୍ସା ରାଆ ସିଦାରେ, ଆମ୍ ଆପିସା ଇଙ୍ଗ୍‍କେ କାଇଙ୍ଗ୍ ସାରିୟା ମେନ୍ତେ କାଜିୟାମ୍।”