Popular Bible Verses from यूहन्‍ना 2

Share

मिहरोगी याहम्‍जेन छ्येवागी ताक्‍छेनया़ नाहङला दि तोहङस्‍यो ताक्‍छेन यिहम्‍बा। दि येशूगी गालील साने़की काना माएँ क्‍याहसाला जे नाङसीन। दि ल़ेहमु जेती मिहरोगी राहङगी ज़िज्‍यिद तेन नाङसीन, ओहले मिहरोकी स्‍याहप्‍च्‍यीया़गी मिहरो थो़ला यिह छ्य़ेसीन।

ओहले दि सेन नाङदी येशूगी आमाला सुङ नाङसीन, “आमा, ङाहगी च्‍यि पेह कोहकें म़ेदी राहङगी ङाहला सुङ माहनाङ, च्‍यिबेमाना ङाहगी ती़हजी नाहरे थु लेप्‍ती म़ेह।”

येशूगी योक्‍पुया़ला सुङ नाङसीन, “ओ़ह फुम्‍बाया़ला छ्यु काङदोङ।” ओहले योक्‍पुया़गी फुम्‍बाया़ला काहङग्‍या काहङग्‍याराङ छ्यु काङ तेर्सीन। ओहले येशूगी खुङया़ला सुङ नाङसीन, “ता़हनी सिपाज्‍यी तेन्‍दी ख्‍याया़गी डेनगी गोबासाला ख्‍येर्ती प्रे़ह ङ्याम च्‍य़ूदोङ।” ओहले खुङया़गी सिपाज्‍यी ख्‍येर्ती गोबाला प्रे़ह ता़ च्‍य़ूसीन।

ओहले येशूगी खुङया़ला सुङ नाङसीन, “दि छ्योखाङला रोम्‍दोङ, ओहले ङाहगी ङ्यिहमा सुम नाहङला दिला येहपाराङ ज़ोएँ।”

ओहले येशूगी थाक्‍पागी ताक्‍स्‍यु जे़दी ओ़हला येहकेन्‍की थाम्‍ज्‍यीलाराङ ओहले खुङगी ल़ूह दाङ लाङगोया़ॱलाङ छ्योखाङले ङेती ताङ नाङसीन, ओहले टाङगा च्‍ये़हगेनया़गी टाङगाया़ टाम्‍दी चोक्‍चीया़ लो़री क्‍याहप नाङसीन। ओहले येशूगी दुङगुकुर चोङगेनया़ला काप्‍क्‍येन नाङदी सुङ नाङसीन, “ख्‍याया़गी दि से़हया़ देलेगी ख्‍येर्ती सोङ! ङाहती याहपगी ज़िम्‍गाङला ख्‍याया़गी छोङ क्‍याहप्‍केन खाङबा माहज़ो़।”