Popular Bible Verses from लूका 3

Share

ओहले मिह थाम्‍ज्‍यीगी बप्‍तिस्‍मा लेहन्‍सीन, ओहले येशूगीॱआङ बप्‍तिस्‍मा नोम्‍दी सोल्‍वाङ ताप्‍ती ज़्‍य़ू नाङगेमु स्‍यिहङगाम खा फ़ेसीन, ओहले नाम्‍पार-ताहक्‍पा थु दुङगुकुरगी ङ्य़ेहरीला येशू थो़ला फेप नाङसीन ओहले स्‍यिहङगामले माहर दि ल़ेहमु सुङ-क़े च्‍यी़ थ़ेसीन, “ख्‍ये ङाहगी च्‍याहम्‍बु पेहक्‍योगी स़ेबु यिहम्‍बा, ख्‍ये ङ्याम्‍बु ङाह ज्‍यिबुराङ सेम काहसो येह।”

ओहले यूहन्‍नागी थाम्‍ज्‍यीलाराङ मासीन, “ङाहगीनी ख्‍याला छ्युगी बप्‍तिस्‍मा तेर्को येह। ङाह म़ेदी वाङज्‍या छ्यिम्‍बु येहकेन्‍गी मेहन्‍दा च्‍यी़ फेप नाङगेराङ येहबा। ङाहनी मिहरोगी स्‍याहप्‍चेनगी थाक्‍पा स्‍युज्‍ये च्‍यिॱआङ सी़हज्‍ये म़ेह। मिहरोगीनी ख्‍याया़ला नाम्‍पार-ताहक्‍पा थु दाङ मेहगी बप्‍तिस्‍मा नाङज्‍ये येह। त़ेदोङ, डु टाप्‍च्‍येला मिहरोगी छ्या़ला लोमा नोम्‍दी येह।

ख्‍याया़गी तेहम्‍बाराङ राहङ-राहङगी तिहक्‍पाया़ स्‍या़बा डुप्‍ती राहङगी सेम किन्‍ज्‍यो ङो़ले लो़हक्‍यो यिहन्‍सीमाना ओ़हला ते़बे डोलु-तेहलु या़हबु पेहतोङ। यिहॱनाङ ‘ङ्यिहनी अब्राहामगी छार्क्‍यीन यिहम्‍बा’ म़ेदी ख्‍याया़ थार ख़ूएँ म़ेदी नोम्‍साङ माहताङ। ङाह ख्‍याला माएँ, किन्‍ज्‍योगी अब्राहामकी छार्क्‍यीनला दि तोहया़लेगीॱआङ ठुङ च्‍य़ू थुप्‍कें।

ता़हनी तोहङबो तुप्‍च्‍येला तारी तोहङबो रिङला क्‍याहप सिहन्‍दी येह। सेदो या़हबु मे़हयाहएँगी तोहङबो का़ह येहकेन्‍दी तुप्‍ती मेहला क्‍युर्च्‍ये येह!” म़ेदी यूहन्‍नागी ख्‍येप्‍टा तेर्सीन।

यशैया लुहङतेम्‍बागी छ्य़ेला दि ल़ेहमु म़ेदी प्रुहक्‍यो येहबा, “ङ्यिहन्‍दोङ, रिह-काम्‍बुला मेहन्‍दा च्‍यी़गी फे़रा तेन्‍दी दि ल़ेहमु मासीन, चो़वो छ्येवा फेप नाङगेन्‍गी फेप-लाहम साल्‍दोङ, चो़वो छ्येवा फेप नाङज्‍ये येह, चो़वो छ्येवागी फेप-लाहम थेका जे़दोङ। लाहङ-लुहङ थाम्‍ज्‍यीराङ काङज्‍ये येह, लाह काहङदो थाम्‍ज्‍यीराङ ङ्योमे ज़ोज्‍ये येह, ओहले ख्‍याक्‍ताङ-ख्‍योक्‍तोङ लाहमया़ थेका डोज्‍ये येह, ओहले का़हबु लाहमया़ ङ्योमे डोज्‍ये येह, ओहले मिह थाम्‍ज्‍यीगीराङ किन्‍ज्‍योगी थार्पा थोङज्‍ये येह।”