Popular Bible Verses from लूका 6

Share

तेर्तोङ, ओहले ख्‍याॱलाङ ज्‍योर्च्‍ये येह। मिहया़गी साप्‍ती-साप्‍ती, युङदी काहङदे फो़गे थु ख्‍यागी खुमाला ल़ू तेर्च्‍ये येह। च्‍यिबेमाना ख्‍यागी मिहला का़हन्‍दी ठुगी ताहप्‍ते तेर्के, ओ़ह ठुला ख्‍याया़गीॱआङ लो़ ज्‍योर्च्‍ये येह।” सुङदी येशूगी सुङ ख्‍येप्‍टा नाङसीन।

मिह या़हबुगी राहङगी सेमला येहकेन्‍गी या़हबु से़हगी चाहङलेगी या़हबु से़हराङ तेन्‍गे। मिह चोक्‍पागी राहङगी सेमला येहकेन्‍गी चोक्‍पा से़हगी चाहङलेगी चोक्‍पा से़हराङ तेन्‍गे च्‍यिबेमाना मिहगी सेमला च्‍यि येहबा ओ़ह तामॱराङ मिहगी माएँ!” सुङदी येशूगी सुङ ख्‍येप्‍टा नाङसीन।

“आहन्‍डा मिहम्‍बा, ख्‍येगी राहङगी टाहॱलाङ चेवा पेहतोङ, ओहले खुङया़ला या़हबु पेहतोङ, लो लेहन्‍गेन्‍गी रेहवा माहबेबा पेहती पेहलेन तेर्तोङ। दि रोहवा पेहसीमाना ख्‍येला च्‍याहगा छ्यिम्‍बुच्‍यी ज्‍योर्च्‍ये येह, ख्‍ये वाङज्‍या छ्यिम्‍बु जेती ज़्‍य़ू नाङगेन किन्‍ज्‍योगी छार्क्‍यीन ओहङज्‍ये येह। किन्‍ज्‍योगी गिन म़ेहबा दाङ मिह ङ्येहम्‍बालाॱआङ थुज्‍यी ज़ी़ नाङगे।

स्‍यिहङगामला ज़्‍यू़गेन ख्‍येगी याहप्‍च्‍येन आबागी निङज्‍यी जेकें ल़ेहमुराङ, ख्‍याॱआङ निङज्‍यी पेहकेन ओहङ कोहएँ” सुङदी येशूगी सुङ ख्‍येप्‍टा नाङसीन।

“ओहले लो़हलो मिहया़ला ठिम माहताङ, ओहले किन्‍ज्‍योगी ख्‍याॱलाङ ठिम ताङ नाङज्‍ये म़ेह। राहङसा मिहया़ला क्‍येन माहता, ओहले किन्‍ज्‍योगी ख्‍याॱलाङ क्‍येन ता़ नाङज्‍ये म़ेह। लो़हलो मिहया़ला कोहङदा तेर, ओहले किन्‍ज्‍योगी ख्‍याॱलाङ कोहङदा नाङज्‍ये येह।

“ङाहगी लोप्‍च्‍युङ ङ्यिहन्‍गेनया़ला ङाहगी माएँ, ख्‍यागी टाहला चेवा पेहतोङ ओहले ख्‍याला ङेन्‍ज्‍येन पेहकेन मिहला या़हबु पेहतोङ। ख्‍याला मे़मु क्‍याहप्‍केनया़ला मेलाम क्‍याहप्‍तोङ ओहले ख्‍याला सुगीॱआङ चोक्‍पा पेहसीमाना खोला या़हबु ओहङज्‍यु म़ेदी किन्‍ज्‍योला सोल्‍वाङ ताप्‍तोङ।

मिहया़गी ङाहला दि ल़ेहमु छ्याप्‍स्‍यी पेह तेर्ना ओहङज्‍ये येहकें म़ेदी राहङगी सेमला ने़गे ल़ेहमु ख्‍येगीॱआङ मिहया़ला पेहतोङ।”

सुगीॱआङ ख्‍याला डाम्‍ज्‍या च्‍यी़ क्‍याहप्‍सीन माना लेहमेन डाम्‍बाॱआङ सेहतेर। सुज्‍यीगी ख्‍येगी योल्‍सेन फ्रो़दी ख्‍येर्सीमाना छ्युबाॱआङ ख्‍येर च्‍य़ूदोङ। ख्‍येला लाङगेया़ला तेर्तोङ, ख्‍येगी पेला ख्‍येर्केनया़ला लो़ लाङ माहमा।

“या़हबु तोहङबोला सेदो चोक्‍पा या़ह मी़हखुएँ ओ़ह ल़ेहमुराङ चोक्‍पा तोहङबोॱलाङ या़हबु सेदोया़ या़ह मी़हखुएँ।

सेदो त़ेदी तोहङबो ह्‍अ कोह ख़ूएँ। छेर्मा तोहङबो नाहङले को़स्‍यीङ मी़ह-ट़ूहएँ, ओहले ङ्या़हलाङ तोहङबोलेगी कुहन्‍डुम ट़ूह मी़हखुएँ।