Popular Bible Verses from मर्कूस 11

Share

ओ़ह सोङबे ङाहगी ख्‍याला माएँ, ख्‍यागी किन्‍ज्‍योला सोल्‍वाङ ताप्‍ती च्‍यिॱआङ लाङसीमाना, ओ़ह स़ेह ङाहगी ज्‍योर सिहन्‍दी येह म़ेदी यिह-छ्य़े पेहतोङ ओहले ख्‍यागी लाङग्‍योगी से़हया़ ज्‍योर्च्‍ये येह

“तेहम्‍बाराङ ङाह ख्‍याला माएँ, सुज्‍यीगीॱआङ राहङगी सेमला सिपाज्‍यीॱआङ थेचुम माहबेबा पेहती राहङगी माक्‍योगी ताम तेहन्‍दा डुप्‍केन म़ेदी यिह-छ्य़े पेहती ‘दि काहङदोला देलेगी पो़हदी छो-क्‍याहम्‍जोला ताहप सोङ’ म़ेदी मासीमाना खोगी माक्‍योगी ओ़ह ताम तेहन्‍दा डुप्‍च्‍ये येह।

ख्‍या सोल्‍वाङ ताप्‍च्‍येला तेहकेमु ख्‍यागी सुज्‍यी थो़ला सेम चोक्‍पा च्‍याङग्‍यो येहसीमाना खोला कोहङदा तेर। ओहले स्‍यिहङगामला ज़्‍य़ू नाङगेन ख्‍यागी किन्‍ज्‍यो याहपगीॱआङ ख्‍यागी तिहक्‍पा स्‍या़बा नाङज्‍ये येह। [

ओहले येशूगी स्‍याहप्‍च्‍यीया़ला, “किन्‍ज्‍योला तेहपा डुप्‍तोङ” म़ेदी सुङ नाङसीन।

ओ़ह तिङले येशूगी मिहया़ला सुङदेन नाङगेराङ सुङ नाङसीन, “च्‍यि सुङरापला दि ल़ेहमु प्रुहक्‍यो म़ेहबा ले– ‘ङाहगी खाङबा थाम्‍ज्‍यी क्‍यिहपागी मिहया़गी तेहन्‍दाला सोल्‍वाङ ताप्‍केन्‍गी खाङबा ओहङज्‍ये येह’? यिहॱनाङ ख्‍यागीनी दि छ्योखाङला च्‍याहक्‍पाया़ जोम्‍गेन्‍गी फुक्‍पा का ज़ोसीन दु!”

ओहले येशूगी तोहङ तिङ डोएँगी मिह मिह-माहङया़गी क़े छ्यिम्‍बुच्‍यी तेन्‍दी मासीन, “होसन्‍ना! चो़वो छ्येवागी छेनला फेप नाङगेन्‍दी काहजे सोनाम-साक्‍पु!

ता़ह ओहराङगी चावा दाऊद क्‍याहल्‍बुगी क्‍याहल्‍सी ओहङगेॱराङ येहबा। मिहरोगी क्‍याहल्‍सीला होसन्‍ना! ओहले थाम्‍ज्‍यी म़ेदी थो़ स्‍यिहङगामला ज़्‍य़ू नाङगेन किन्‍ज्‍योला होसन्‍ना!”