Popular Bible Verses from मर्कूस 9

Share

येशूगी खोला सुङ नाङसीन, “राहङगी ला़ खासीमाना म़ेदी ख्‍ये च्‍यिबे म़े तेहके? यिह-छ्य़े पेहकें मिहया़गी तेहन्‍दालानी च्‍यि माॱनाङ तेहन्‍दा डुप्‍के।”

दि थे़-लुहङ म़ेहबा आबादीगी क़े तेन्‍गेॱराङ मासीन, “लाहसो लाह, ङाह यिह-छ्य़े पेहकें। ङाहगी या़हबु पेहती यिह-छ्य़े डुप मा़हखुबा सोङबे ङाहला रो़हराम जे नाङदोङ।”

खाङबा नाहङला स्‍य़ूह फान्‍ज्‍यो स्‍याहप्‍च्‍यीया़गी खाजुम्‍बाला, “ङ्यिहगीदी ओ़ह ल्‍हेन्‍डीला च्‍यिबे तेन मा़हखुबा लाह?” म़ेदी येशूला टी़हसीन। ओहले येशूगी खुङला सुङ नाङसीन, “दि ल़ेहमु ल्‍हेन्‍डीया़दी सोल्‍वाङगी मिहम्‍बा लेहमेन च्‍यि से़हगीॱआङ तेन मी़हखुएँ।”

छा या़हबु स़ेह यिहम्‍बा यिहॱनाङ छा प्रे़हराङ याहल्‍सीमाना च्‍यि से़हगी छा प्रे़ह ज़ोज्‍ये ले? राहङ ङ्याम्‍बु येहकेन्‍गी छाला या़हबु पेहती सी़दे ज़्‍यो़ ओहले राहङ नाहङदुङ थिन्‍दी तेह।”

“ङाहगी मिहनला दि ल़ेहमु पेहजाया़ला फेप स्‍युहगेनया़गी ङाहलाराङ फेप स्‍य़ूहएँ ओहले ङाहला फेप स्‍युहगेनया़गी ङाहला च्‍यी़राङ मिहम्‍बा, ङाहला ताङ नाङगेन याहपलाराङ फेप स्‍य़ूहक्‍यो यिहम्‍बा।”

तेहम्‍बाराङ ङाह ख्‍येला माएँ, सुज्‍यीगी ख्‍याला मास्‍यीकादी यिहम्‍बा म़ेदी ङाहगी मिहनला फार्को काहङ छ्यु थुङज्‍येला तेर्सीमाॱनाङ खोगी च्‍याहगा ज्‍योर्च्‍ये येह।”

येशूगी येहपाराङ सुङ नाङसीन, “का़हन्‍दीगी ङाह थो़ला यिह-छ्य़े पेहकेन दि ल़ेहमु पेहजाया़गी यिह-छ्य़ेला नोङगे ओ़हदीलानी ज्‍यिङबाला ला़हवोर च्‍याङदी छो-क्‍याहम्‍जोला क्‍युर चाहङना या़हबु ओहङज्‍ये येहकें।

ओहले ओ़ह ल़ेहमुराङ पेहती ख्‍येगी मी़गी ख्‍येला तिहक्‍पाला छ्यि च्‍यू़सीमाना ओ़हदीला तेन्‍दी क्‍युर चोहङ च्‍यिबेमाना मी़ ङ्यिकाराङ थो़दी ङ्याल्‍वाला छ्यिकें म़ेदीनी मी़ च्‍यी़ म़ेहबा पेहतीराङ किन्‍ज्‍योगी क्‍याहल्‍सीला स्‍य़ूहगेन्‍दी या़हबु यिहम्‍बा।