Popular Bible Verses from यूहना 19

Share

फेर यीसू सिरको पी लियो तो बो बोल्यो, “पूरो होयो।” जद बण आपगो सिर झुका दियो अर प्राण छोड़ दिया।

इंगै बाद यीसू ओ जाण ग्यो कै अब बिंगो सारो काम पूरो हो'ग्यो है अर परमेसर गै बारै में लिखेड़ी बाता पूरी करण गै खातर बण केयो कै, “मैं तीसो हूं।”

अर झिकै चेलै नै यीसू भोत प्रेम करतो हो बो बी बठै खड़यो हो। जद यीसू आपगी मां कानी देखगे बिनै केयो, “हे मां, आज ऊं ओ तेरो बेटो है।” जद बठै बिं चेलै नै केयो आ तेरी मां है। बिंगै बाद बो चेलो बिनै आपगै घरे लेग्यो अर बिंगी देखभाळ करण लागग्यो।

पण यीसू गै कनै आ'गे, पेलां ईं मरेड़ो देखगे बिंगी टांगा कोनी तोड़ी। पण सिपाईयां मू एक जणै भालो बिंगी पांसळी में मारयो। जद बिमुं खून अर पाणी निकळण लागग्यो।

पवितर सासतर में एक जिग्यां इंया लिख्यो कै, बिंगी कोई बी हडी तोड़ी कोनी जावैगी अर दूसरी जिग्यां में इंया लिख्यो कै झिकै गै बां भालो मारयो है, बिं कानी बे देखैगा। पवितर बचन में जिंया लिखेड़ी बात इंयाईं पूरी होई।

अर यीसू आपगो करूस चक'गे यरुसलेम सैहर ऊं बारै एक जिग्यां में लेग्यो। बिं जिग्यां गो नाम “खोपड़ी गी जिग्यां” हो अर इब्रानी बोली में इनै गुलगुता केयो जावै है।

सिपाईयां कांटा गो मुकुट बणागे बिंगै सिर पर रख्यो अर बेजणी रंग गा गाबा पिरा दिया।