Popular Bible Verses from प्रतिनिधि 1

Share

पर जपल शुची आत्मा तुसी पुठ एईयेल, तिखेईं तुसी ताकत मेती; तोउं तुस ना सद यरुशलेम शेहर अन्तर, बल्कि पूरे यहूदिया राज्य, तोउं सामरिया राज्य अन्तर, होर धरती यक मुख केआं होर मुख तकर में उगाह बणते।”

तेन तेन्हि जे बोलु, “से वकत त जुग परमपिता परमेश्वरे अपु हक जुए ठीक किओ असा। से जाणण तुं कम ना भो।

होर जिखेईं से अपु चेली जोई खाण लगो थिआ, त तेन्हि जे निआंग दिती, “यरुशलेम शेहर केआं कुरेह घेईं। पर में बोउए तेस जुबान पूरी भुणे भाड़ते रिहे, जेसे बारे मेईं तुसी जे बोलो असु। किस कि यूहन्ने त तुस पुओणि अन्तर चुसे, पर थोड़े रोज पता परमेश्वर तुसी शुची आत्माई अन्तर चुसता।”

तेन मरण तकर दुख तकलीफ सेहण केआं पता सुआ पक्के सबूते बेलि अपु अपफ तेन्हि जीन्ता हराला। त से चढ़ी रोज तकर तेन्हि जोई मीता रिहा त परमेश्वरे राज्ये बारे बोक कता रिहा।

यीशु ई बोक बोलुण केआं पता परमेश्वरे से प्रतिनिधि के हेरते हेरते ईं खड़िया जे नी छड़ा, त बदेई से तेन्के टीरी केआं उलाठ नी छड़ा।

तस घेणे टेम से सोब प्रतिनिधि अम्बरे धे हेरी बिशो थिए, त हेरे, अजगता दुई मेह्‍णु हच्छे चमकिले झिणे लाई कइ तेन्के समाणि खड़ी गे। त तेन्हि जे बोलु, “ए गलीले मेह्‍णुओ, तुस खड़ खड़ अम्बरे धे हेरी किस बिशो असे? एईएं यीशु, जे परमेश्वरे तुं भेएड़ केआं स्वर्ग जे नी छड़ा, जीं तुसी से स्वर्ग जे घेन्ता काआ, तिहांणि से यक रोज दुबारी एन्ता।”