Popular Bible Verses from प्रतिनिधि 5

Share

पर पतरस त होरी प्रतिनिधि जवाब दी कइ बोलु, “असी मनखे निआंग केआं बध कइ परमेश्वरे निआंग मनीण लौती।

होर से रोज देहेर अन्तर त गी गी घेई कइ मेह्‍णु शिचालण लगे, त “यीशु ईं से मसीह” भुणे बारे खुश खबरी प्रचार कते रिहे।

पर पतरसे बोलु, “ए हनन्याह! शुची आत्माई झूठ बोलुण जे शैताने तें मन कीं मोहि छड़ा कि तेईं जिमि रुपेई अन्तरा अपफ जे कुछ रुपेई बचाई रखे? जपल तकर से जिम तोउ केईं थी, से कि तें न थी ना? होर बेचण केआं पता मेओ पूरा मुल बि त सोब तेन्धेरी थिआ। त तेईं ईं करण जे अपु मन अन्तर किस सोचु? तेईं मेह्‍णु जे ना, बल्कि परमेश्वर जे झूठ बोलो असु।” ईं बोक शुणते ईं, हनन्याह डूल गा त मर गा। एस घटनाई बेलि सोब जेईं सुआ डर गे।

तोउं त एन्के बारे अउं तुसी जे बोता कि अन्हि मेह्‍णु केआं दूर बिशे त अन्हि अकेले छड़े; किस कि अगर ए कम त योजना मेह्‍णु कनारा असी त ए कमियाब ना भुन्ति। पर अगर ए परमेश्वरे कनारा असु, त तुस अन्हि कदी खतम कइ ना सकते। होर ईं ना लौतु भो कि तुस अपफ परमेश्वरे खिलाफ भोई घियेल।”