Popular Bible Verses from मत्ती 2

Share

ओःले ओः खीमला लेप्मीःजीक खुङक्या नाःङ्ला स्युःसी ओःले पीःजाला खुङगीइ आमा मरीयम ङीमु थोङ्सी, ओःले खुङक्याइ खाप्लु क्याःप्‍ती पीःजाला फ्या छाल्सी। ओःले राःङगीइ काःम फ्यादी खुङला सेर, सीःम्बु टीःमाइ साङ ओःले सीःम्बु टीःमा तेर्केन माःर्कु भेटी च्योल्सी।

हेरोद क्याःल्बुइ तीःजीला यहुदीयाइ बेथलेहेम युःलला येशु केमीःजीक, स्यारकीइ ज्योतीषीक्या यरुशलेमला लेप्सी ओःले खुङक्याइ लाःसी, “यहुदीक्याइ क्याःल्बु काःल्दी केक्योक पीःजा काःला एःपा? चीलेलाःना खुङगीइ कार्मा स्यार्कासुना ङीःइ थोङ्सी ओःले खुङला फ्या छाल्जेला ओःङ्दी एः।”

ओःले खुङक्याइ ओः कार्माला थोङ्दी खुङक्या माःङ्बुरा खाम्साङ्बु काःल्दी केःदाङ पेःसी।

ओःले हेरोदसाःला लोःदी माःन्डो लाःती मीलामला कोन्ज्योइ आज्ञा ज्योर्ती खुङक्या राःङ्सारा लाःम पेःदी राःङगीइ देशला लोःसी। ओः ज्योतीषीक्या काःल्सीःङ्मीःजीक योसेफकीइ मीलामला प्रभुइ स्वर्गदुतला थोङ्सी ओःले स्वर्गदुतकीइ खुङला लाःसी, “लोःङ ओःले गेबुरा आमा पुःला खेर्ती मीश्र देशला छ्‍योङ्दो। ओःले ङाःइ लोःदी स्यो माःलाःप थुप ख्योक्या ओःला तेः चीलेलाःना पीःजाला सेचेला हेरोदकीइ छोल्देरा एः।”