Popular Bible Verses from Luke 18

Share

Sa vakatakila talega ko Jisu vei ira e na dua na vosa vakatautauvata, ni sa dodonu me daumasu tiko ka kakua ni ceguoca.

Ia na Kalou, ena sega li ni lewai ira vakadodonu na nona digitaki era dautagi tikoga vua e na siga kei na bogi? Ena vakaberaberataka li vakabalavu na nona vukei ira? Au sa kaya vei kemudou, ena lewai ira vakadodonu vakusarawa ko koya. Ia ni sa lako mai na Luve ni Tamata, ena kunea beka na vakabauta e vuravura, se segai?”

Ia sa kaya ko koya, “A ka sa dredre sara vei ira na tamata sa rawarawa vua na Kalou.”

A sa bese taumada ko koya; ia sa qai kaya e muri e lomana, ‘Au sa sega ni rerevaka na Kalou, se’u dokai ira na tamata, ia ni sa mai vakasosataki au na yada oqo, ka'u na lewai koya vakadodonu mada, me kakua kina ni vakaceguocataki au ko koya ni sa sega ni mudu ni lako mai.’ ”

Au sa kaya vakaidina vei kemudou, o koya ena sega ni vakabauta na matanitu ni Kalou me vaka na gone lailai, ena sega sara ni curu kina.”

A sa kacivi ira mai ko Jisu, ka kaya, “Laivi ira na gone lalai me ra lako mai vei au, kakua ni tarovi ira, ni sa vakataki ira na lewe ni matanitu ni Kalou.

A sa kaya vua ko Jisu, “Mo rai rawa; sa vakabulai iko na nomu vakabauta.”

A sa kaya vua ko Jisu, “Ko sa vakatokai au me’u vinaka e na vuku ni cava? Sa sega e dua tale e vinaka, na Kalou duaduaga.